web counter
LEXO PA REKLAMA!

SHKARKO APP

App Store
Google Play

Nesër gjyqi/ SPAK kundër Lapsi.al për “patronazhistët”

5 Maj 2021, 12:36, Aktualitet CNA

Nesër në orën 13:30 në gjykatën e Posatçme të Apelit do të zhvillohet seanca gjyqësore mes Lapsi.al dhe Prokurorisë Speciale, SPAK, lidhur me pretendimin e kësaj të fundit për të sekuestruar serverat, kompjuterat dhe celularët e gazetarëve që publikuan vjedhjen e  të dhënave të 910 mijë qytetarëve të kryeqytetit për interesat elektorale të partisë Socialiste.

Kjo seancë që do të drejtohet nga gjykatësi Dhimitër Lara po zvillohet pas ankimimit në apel të Lapsi.al që u detyrua me një vendim të shkallës së parë të dorzonte provat duke rrezikuar të identifikonte burimin e tij të informacionit.

Pas publikimit të të dhënave  personale dhe emrat e patronazhistëve që survejonin qytetarët e Tiranës, SPAK shkoi në zyrat e Lapsi.al.

Hetimi nisi pasi portali ?Lapsi.al? publikoi emrat e disa figurave publike, numrat e kartave të identitetit dhe numrat e celularëve të të cilëve pretendohet se kanë përfunduar në kompjuterët e Partisë Socialiste. Sipas portalit bëhet fjalë për të dhëna konfidenciale për 910 mijë votues të Tiranës, nga mosha 19 deri në moshën 99 vjeç.

Dokumenti përmbanin të dhënat personale të secilit prej nesh, si numrat e telefonit, numrin e kartës së identitetit, numrin e qendrës së votimit, vendin e punës, dhe përmes një sistemi ?patronazhi? krijohen ide paraprake mbi votën./CNA.al





Lajmet e fundit nga