web counter
LEXO PA REKLAMA!

SHKARKO APP

App Store
Google Play

Ben Blushi: “Kryeministrin tim” e pritën më mirë se tuajin

13 Nëntor 2016, 20:39, Aktualitet CNA

Ben Blushi zgjodhi kulmin e debatit me kreun e qeverisë Edi Rama për të lajmëruar botimin e librit ?Kryeministri?, romanit që ka shkaktuar polemika për subjektin dhe personazhin kryesor. Por shkrimtari politikan, në një prononcim për Ora Neës synon tu japë fund të gjitha aludimeve duke deklaruar se kryeministri i tij është fryt i fantazisë së tij.

Në radhë për ?Kryeministrin? e Ben Blushit, që për momentin është një gjetje artistike e politikanit që sapo ka shpallur partinë e tij të re ndërsa dëshirën për të qenë vetë një ditë kryeministër e ka më të vjetër. Publiku i panairit të librit është shfaqur i interesuar për ?Kryeministrin? fantazi.

Një kryeministër që vritet ndërsa kishte inskenuar plagosjen e tij si aktin e fundit ekstrem për të mbajtur pushtetin në një vend ku lulëzon droga. Romani hapi polemika dhe tërhoqi vëmendjen mbi të gjitha për subjektin.

Blushi e zbuloi librin në kulmin e përplasjeve politike me kreun e qeverisë Edi Rama, por politikani shkrimtar thekson se ?Kryeministri? i tij është vetëm fryt i fantazisë dhe mohon cdo përpjekje për të krijuar lidhje me persona apo situata reale.

Blushi: Nuk ka asnjë lidhje me njerez reale, është produkt i fantazisë time si çdo libër. Ky nuk është një biografi është një roman.

Romani është një prej më të kërkuarve në Panairin e Librit, ndaj edhe Blushi nuk kursehet në përgjigjen si e kanë pritur lexuesit ?Kryeministrin e tij?

Blushi: Është e sigurt që lexuesit presin më mirë kryeministrin time sesa kryeministrin tuaj. Kjo është e sgurtë.

Gjate diteve te panairit Ben Blushi u shfaq entuziast teksa firmoste KM e tij artistik.

/Oranews.tv/





Lajmet e fundit nga