web counter
LEXO PA REKLAMA!

SHKARKO APP

App Store
Google Play

E fundit!

x

Qendra KIDC & YOUTh LAB me projekt të ri/ Flet drejtoresha Çiljeta Simaku

4 Maj 2021, 08:24, Aktualitet CNA

Me një eksperiencë gati 7 vjeçare në fushën e trajtimit të fëmijëve me probleme të zhvillimit, në qytetin e Korçës, Qendra KIDC & YOUTh LAB tashmë zgjeron fushën e veprimit të saj.

Gjatë një bashkëbisedimi me City Neës, drejtoresha ekzekutive e kësaj qendre, Çiljeta Simaku shpjegon se tashmë, në bashkëpunim edhe me Vizion OJF, do të ofrohen shërbime edhe në fushën e arsimit parauniversitar për fëmijët nga mosha 6 deri në 10 vjeç.

Simaku nënvizon se nëpërmjet këtij projekti të ri  KIDC & YOUTh LAB synon të fokusohet në edukimin intelektual, fizik, qytetar dhe emocional të brezave të rinj.

“Situata në të cilën ndodhen fëmijët sot, ku jeta virtuale po i shtyn drejt një forme të re varësie, u bë nxitësja kryesore e këtij projekti të ri, që synon një qasje drejt të natyrshmes, si forma më e mirë e edukimit. Është një projekt edukimi i strukturuar që mbulon me staf, standarde dhe procedura të mirëpërcaktuara çdo funksion. Ofron siguri, rregull dhe disiplinë si pjesë e rëndësishme e edukimit dhe mirëfunksionimit të institucionit.”

Simaku shpjegon se gjatë periudhës së verës, në formatin e programit të një shkolle verore, të quajtur “Të kapim kohën”, KIDC & YOUTh LAB synojnë që fëmijët të mesojnë nëpërmjete lojës,

të mësojnë nëpermjet artit, të mësojnë nëpermjet natyrës, mësimin e gjuhëve të huaja, por ajo që “është më e rëndësishme, është synimi që mbi të gjitha shprehin ndjenjat dhe emocionet, të festojnë dhe të argetohen”, shpjegon Simaku, duke nënvizuar se fakti që nuk ka lojëra elektronike, por vetëm libra lojëra në natyrë është një nga aspektet më pozitive të këtij projekti ambicioz.

Gjithashtu KIDC & YOUTH LAB, synon që të mbështesë financiarisht fëmijët, familjet e të cilëve kanë probleme ekonomike, të cilët do të mbështeten në vijimësi edhe gjatë vitit të rregullt shkollor./CNA.al





Lajmet e fundit nga