web counter
LEXO PA REKLAMA!

SHKARKO APP

App Store
Google Play

E fundit!

x

"Defender Europe 21”/ Peleshi: Mesazh i qartë për popujt e Ballkanit

4 Maj 2021, 08:00, Aktualitet CNA

Nis nga Porti i Durrësit stërvitja ?Defender Europe 21? me pjesëmarrjen e rreth 28 mijë trupave shumëkombëshe.

Ministri i Mbrojtjes, Niko Peleshi thekson se ?duke u mbështetur në suksesin e vitit të kaluar, ?Defender Europe 21? do të jetë gatishmëri dhe ndërveprueshmëri ndërmjet aleatëve e partnerëve, në përgatitjen e forcave që të kundërveprojnë shpejt ndaj krizave, si dhe të kryejnë operacione të mëdha luftimi, nëse u kërkohet?.

Ai tha se kjo stërvitje është një sprovë për të treguar që jemi në lartësinë e duhur dhe theksoi se djemtë dhe vajzat tona me uniformë do të na nxjerrin faqebardhë në këtë stërvitje.

Peleshi theksoi se kjo stërvitje është mesazh i qartë për popujt e Ballkanit.

“Kjo stërvitje është një mesazh i qartë për popujt e Ballkanit. E ardhmja e tyre e vetme është integrimi i plotë në strukturat euro-atlantike. Çdo hezitim, devijim, ndikim përtej kësaj rruge është thjesht humbje kohe. Por, kjo është dhe një mesazh për ato vende dhe forca ?dashakeqëse? dhe rivale të vlerave tona të përbashkëta. Falënderoj Shtetet e Bashkuara që zgjodhën Shqipërinë si përçuese e këtyre mesazhave të shumëfishta strategjike.

I uroj nisje të mbarë dhe shumë sukses ?Defender Europe 21?. Inkurajoj Forcat e Armatosura të Republikës së Shqipërisë, vajzat dhe djemtë tanë në uniformë, të japin maksimumin e tyre në këtë sfidë! Jam i bindur se kjo stërvitje do të shkruajë një faqe të re në historinë e Lidhjes Trans-Atlantike, por edhe të miqësisë sonë të vyer me Shtetet e Bashkuara.?, theksoi Peleshi./CNA.al





Lajmet e fundit nga