web counter
LEXO PA REKLAMA!

SHKARKO APP

App Store
Google Play

E fundit!

x

Përgatitjet për “Defender 21”/ Vijon zbarkimi i trupave, Niko Peleshi nxjerr pamjet

3 Maj 2021, 15:59, Aktualitet CNA

Ministri i Mbrojtjes, Niko Peleshi ka publikuar pamje nga porti i Durrësit, ku vazhdon zbarkimi i trupave dhe mjeteve amerikane.

Sipas tij, gjithçka është gati për të çelur stërvitjen e përbashkët më të madhe të zhvilluar në Shqipëri nga ushtria amerikane dhe forcat tona të armatosura në kuadër të NATO-s, ?Defender Europe 21?.

Të martën pritet të zhvillohet eventi i parë, Dita e Vizitorëve të Shquar, ku të pranishëm do të jenë autoritetet më të larta civile dhe ushtarake në vend, ato amerikane dhe NATO-s.

Shqipëria është një ndër 16 shtetet ku do të zhvillohet stërvitja ushtarake shumëkombëshe ?Defender 21?. Trupat e mbërritura nga 26 shtete, nën drejtimin e amerikanëve do të kenë operacione në portin e Durrësit, bazën ajrore të Kuçovës, Berat, Zall-herr, Bizë, Pashaliman dhe bazën ajrore të Farkës.

Shqipëria u zgjodh ndër shtete e tjera për shkak të vendndodhjes së saj strategjike dhe faktit se ka qenë një partner i vlefshëm për SHBA prej vitesh. Kjo stërvitje do të kryhet në pjesën e Ballkanit dhe Detit të Zi.

Deri në 10 qershor në Shqipëri do të zhvillohen stërvitje ku përfshihen dhe qitjet e drejtpërdrejta, ato mbrojtëse ajrore, raketore apo dhe detare, por një pjesë e trupave do të qëndroje dhe më pas./CNA.al





Lajmet e fundit nga