web counter
LEXO PA REKLAMA!

SHKARKO APP

App Store
Google Play

“Më ka ardhur turp nga deklarata”/ Ibsen Elezi sfidon Bashën: Tërhiqem menjëherë po pate strategji

1 Maj 2021, 13:32, Politikë CNA

Ish kryetari i PD në Kukës Ibsen Elezi, i cili doli hapur duke kërkuar dorëheqejn e kryedemokratit Lulzim Basha, ka treguar dhe  momentin kur mori vendimin për të protestuar përballë selisë blu.

Në një intervistë për A2 Elezi është shprehur se këtë vendim e ka marrë pasi dëgjoi deklaratën e Bashës pas shpalljes së rezultatit, duke theksuar se është ndjerë i turpëruar.

?E mora kur dëgjova Bashën në deklaratën pas shpalljes së rezultateve, sepse më ka ardhur turp. Nuk e kuptoj si mund të thuhet që kemi pasur sukses kur kemi humbur, nuk e kuptoj. Kam thënë që do të dal që të shpreh një protestë, përndryshe publiku do të shihte një parti të vdekur. Nuk mund të kritikosh nga kafenetë.

Burimi i problemeve të brendshme të PD-së për të vjen nga mungesa e transparencës dhe mosrespektimi i statutit të partisë. Në të gjithë procesin, Partia Demokratike nuk ka respektuar statutin. Në kohën e Berishës, nga ana formale statuti  u respektonte?, u shpreh ai.

Sa i përket kritikave për komisionin e përzgjedhës të kandidatëve ai tha se ia ka shprehur dhe vetë Nishanit.

?Ia kam thënë edhe vetë Bujar Nishanit, ju kishit një detyrë për transparencë, nuk mund të hiqen dhe vendosen sipas kritereve tuaja. Ishte thënë që secili person që përmbushte kriteret, ishte në garë?, thotë ai.

Sipas Elezit, lidershipi i PD-së ?nuk di se çfarë do të bëjë. Po pati një strategji, tërhiqem nesër. Politika ka planifikim të realizimit të strategjisë,  ndërkohë që Basha do të shpërqendrojë vëmendjen e demokratëve, duke futur probleme të tjera. Duhet të bëhen zgjedhjet e reja brenda partisë, Basha ka humbur dy herë, ka kaq vjet që vetëm mashtron”, theksoi ai./CNA.al





Lajmet e fundit nga