“Morëm 3700 vota duke qenë parti e mohuar”/Arian Galdini: Nuk do t'i braktis ata që më besuan

1 Maj 2021, 09:42, Politikë CNA

Kryetari i partisë Lëvizja e Re (LRE) Arian Galdini ka publikuar në rrjetet sociale nëj mesazh të një kolegut të tij i cili e pyet nëse është e kotë të vazhdosh pasi ka marrë pak vota në zgjedhjet e 25 prillit.

Galdini i është përgjigjur duke u shprehur se ai nuk mund ti braktisë ato 3700 votues që i besuan. Më tej, ai shkruan se djemtë e tij nuk do ta shohin babin e tyre kurrë si modelin e njeriut që dorëzohet.

Postimi i plotë:

Më shkruan një ish kolegu im sot:

“Galdini, kam shumë respekt për ty, por me rezultatin që more në zgjedhje, a nuk mendon se është e kotë të vazhdosh? Ndoshta kjo betejë do të zgjasë shumë e ti mund të dështosh përsëri sepse shqiptarët kurrë nuk e kanë dashur të mirën dhe të thjeshtën…”

Vendosa ti përgjigjem këtu:

“E kush jam unë që të braktis 3700 shqiptarë që më besuan? Çfarë lloj burri e njeriu do të isha unë po ti braktisja këta 3700 votues dinjiteti të cilët ia besuan votën e tyre një partie me zero para, zero logjistikë, zero pushtete, zero fuqi. Këta 3700 votues dinjiteti ia dhanë besimin e tyre një partie që nuk e panë kurrë në media. Si mund ti braktis unë këta 3700 heronj? Çfarë lloj prindi e qytetari do isha unë, po të lija në mes një betejë të cilën e besuan 3700 shqiptarë të dinjitetshëm? Çfarë do tu thoja dy djemve të mij? Si tua shpjegoja?

Tu thoja që e pashe të kotë, të vështirë e të pamundur, prandaj e lashë në mes….?

Dy djemtë e mij nuk do ta shohin kurrë babain e tyre si modelin e të dorëzuarit…

Dy djemtë e mij nuk do ta shohin kurrë babain e tyre si modelin e atij që i lë gjërat në mes pse duken të kota, të vështira apo të pamundura.

Unë nuk jam në këtë betejë për shqiptarët.

Unë nuk mund të jem për shqiptarët sepse nuk më kanë votuar e madje 90% e tyre as më njohin fare sepse nuk na lejuan kurrë në media.

Epo të marësh 3700 vota pa qenë asnjë sekondë në media, e kur mbi 90% e shqiptarëve as të njohin fare, e as e kanë idenë se ti ekziston, unë mendoj se është heroike.

Të marësh 3700 vota duke qenë partia e mohuar, bllokuar, luftuar, sulmuar, izoluar, çensuruar, shpërfillur, tallur e ndaluar nga mediat, unë mendoj se është heroike.

Të marësh 3700 vota vetëm me 1 celular e 1 faqe facebooku, unë mendoj se është heroike.

Pra unë e bëj këtë që po bëj për 2 djemtë e mij dhe për ata 3700 qytetarë që votuan dinjitetin.

Edhe sikur kurrë të mos ia dalim mbanë, mjafton që secili prej nesh të bëj pyetjen:

A po i bëjmë keq Shqipërisë ne me këtë që po bëjmë?

Pyetja tjetër:

A i sjell dëm Shqipërisë, dështimi ynë?

Pyetja tjetër:

A po qëndrojmë, rezistojmë ne me para publike, me fonde publike, me taksat e shqiptarëve, me tendera, vjedhje, PPP, korrupsion, financime oligarkësh apo krimi?

Atëherë nëse kjo që po bëjmë ne varet vetëm nga ne, nga vullneti ynë, nga sakrificat tona, nga mundi ynë, nga dhimbjet tona personale, nga ëndrrat tona e vizioni ynë prindërues, pse duhet ta lëmë në mes?

Unë jam këmbëkryq e do vazhdoj sepse nuk po vjedh askënd, nuk po mashtroj askënd, nuk po mbahem me taksat e shqiptarëve, as me pushtetet e shqiptarëve.

Unë jam këmbëkryq e do vazhdoj sepse dua të bëj krenar 2 djemtë e mij dhe 3700 heronjtë që më votuan.

Pikë. /CNA.al