E fundit!

07:34 Kosova & Bota

Dy tërmete të frikshme goditën vendin/ Trump: SHBA-ja është gati të ndihmojë Venezuelën

Presidenti i Shteteve të Bashkuara, Donald Trump, deklaroi...

Nuk lëshon karrigen pas humbjes/ Blofi i Bashës me premtimin për kufizimin e mandatit të kryeministrit

1 Maj 2021, 10:33, Politikë CNA

Gjatë fushatës elektorale, kryetari i Partisë Demokratike Lulzim Basha u zotua se do të kufizojë mandatin kryeministrit në 8 vite.

Basha shprehej në çdo dalje mediatike se do e bënte realitet një gjë të tillë në parlamentin e ardhshëm ose me referendum. Ai nënvizonte se dy mandate janë mjaftueshëm për të dhënë kontribut. Mes shumë premtimve të tjera Basha ka theksuar se nëse nuk do mbante premtimet në mandatine parë, nuk do të rikandidonte përsëri si kryeministër.

Në këto tetë vite në krye të opozitës, Basha nuk ka mbajtur asnjë premtim. Pas zgjedhjeve të 25 prillit, PD dhe aleatët e saj janë 80 mijë vota më pak se në vitin 2013. Duhet theksuar se atëherë vinin pas 8 vitesh pushtet, ndërsa tani ishin në garë pas 8 vitesh pushtet të Edi Ramës me skandale e korrupsion dhe Basha është 80 mijë vota pas.

Pra, Basha nuk ka mundur të mbajë premtimin për 8, jo për 4 vite që pretendonte për mandatin e kryeministrit.

Ai vetë prej 8 vitesh drejton opozitën dhe nuk pranon të largohet pas humbjes së zgjedhjeve në Tiranë në 2013, lokalet në 2015, parlamentaret 2017, lokalet 2019 me bojkot dhe zgjedhjet e 2021.

Basha zotohej se do të kufizonte mandatin e fituesit që është kryeministri, dhe nuk kufizon mandatin e humbësit. Ai zgjedh të mos largohet nga drejtimi i Partisë Demokratike megjithëse humb, humb dh evetëm humb.

Basha qendron në krye të PD si mundësi e vetëm, a thua se demokratët nuk kanë emëe tjetër.

Basha shpreson se i ka vrarë të gjithë ata që mund ta drejtojnë PD, dhe nuk e lëshon karrigen edhe pse ka shënuar një numër të madh humbjesh.

Në fakt edhe Ilir Arapi, do e drejtonte PD më me dinjitet sesa Luli. Kush nuk e njeh Ilir Arapin në PD vështirë se është demokrat, kunati Lulit, dhe shpura e tij e sigurt që jo.

Prandaj është koha që Luli ose të kërkojë ndjesë për humbjen dhe të dorëhiqet ose të kerkojë falje që ka gënjyer shqiptarët dhe serish të dorëhiqet.

/CNA.al