E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Rinumërimi i votave të pavlefshme, një katastrofë për PD dhe ndihmë për LSI

1 Maj 2021, 09:55, Politikë CNA

Ditën e sotme presidenti Ilir Meta ka dalë me një teori për të rinumëruar votat e pavlefshme.

Si gjithmonë opozita kur humbet kërkon të gjejë alibitë për të mbajtur militantët me shpresë. Në fakt në rastin e këtyre zgjedhjeve nuk ka më çfarë të mbahet, megjithëse po të shikosh të dhënat sipas KZAZ, rezulton se votat e pavlefshme janë kryesisht në zona që janë bastione të Partisë Socialiste.

Përshembull mund të themi në Fier, ku në një KZAZ janë 307 vota të pavlefshme, që janë numri 12 dhe numri 10 ç?ka do të thotë se është votuar PS dhe Gramoz Ruçi, apo në Elbasan ku janë disa mijëra vota të pavlefshme, në shumicën prej tyre janë të votuara numri 12 dhe numri 8, pra PS dhe Taulant Balla.

Mesa duket alibia e rinumërimit duket një katastrofë për PD sepse edhe sikur ato vota të pavlefshme duke iu marrë vetëm vullnetin e numrit, jo të kandidatit do të sillnin një dëm të madh elektoral, kjo për disa arsye.

Përshembull në Tiranë, pretendon kandidati i Vetëvendosjes, Bojken Abazi se ka shumë fletëvotimi të cilat janë 12 dhe 13. Kjo është normale, 12 dhe 13 është votuar Partia Socialiste dhe kandidatja e PS. Pra siç është në qarqet e tjera ku PS ka pasur më shumë kandidatë sesa numri 12 i PS në fletën e votimit. Por le të shohim dy fakte.

Çfarë sjell rinumërimi?

Rinumërimi i votave të pavlefshme do të sillte një katastrofë të vërtetë për PD. Në Elbasan sipas të dhënave zyrtare nga KZAZ dhe të konfirmuara nga dega e PD në këtë qark, në rastin e rinumërimit të votave të pavlefshme, për gati 70 vota, PD do të humbiste mandatin e gjashtë.

Pra rezultati në Elbasan për vetëm70 vota nuk ka shkuar 9 me 5 për Partinë Socialiste. Do të kishte një mandat më shumë për PD vetëm nga qarku i Elbasanit në rastin e rinumërimit të votave të pavlefshme.
Partia Demokratike nga 59 do të shkonte në 58 mandate.

Nga ana tjetër në qarkun e Beratit është shumë afër LSI për marrjen e mandatit, dhe në rast se PS e humbet mandatin në qarkun e Beratit nuk ka asnjë problem për të sepse ajo merr 75 mandate nëse fiton Elbasanin, kthehet në 74 mandate siç i ka sot dhe në Fier nga katër bëhet me 5. Ndërsa PD nga 59 bëhet me 58 mandate.

Pra rritet një mandat LSI dhe bie më një mandat PD. Kjo është pak a shumë ajo që lexohet nga votat e pavlefshme në dy qarqe, sipas të dhënave zyrtare që vetë PD.

Ndërsa në qarqet e tjera nuk bëjnë diferencë të madhe votat e pavlefshme pasi nuk mund të përmbysin rezultatin. Vetëm në dy qarqe janë që për shumë pak vota të pavleshme mund të ketë një rikuperim. Në Elbasan merr një mandat PS dhe në Berat merr një mandat LSI, çka do të thotë se rinumërimi do të ishte një katastrofë për PD sepse do të humbiste një mandat në Elbasan dhe nuk do të fitonte asgjë.

Të gjitha këto sipas të dhënave zyrtare të marra edhe nga PD edhe nga KQZ. Pra pretendimi për rinumërim i thënë nga presidenti është një lojë që LSI të fitojë një mandat në Berat, por Ilir Metës nuk i intereson fare se PD e humb mandatin në Elbasan./CNA.al