web counter
LEXO PA REKLAMA!

SHKARKO APP

App Store
Google Play

E fundit!

x

Albin Kurti uron Ramën për fitoren/ ”Uroj që institucionet të sqarojnë paqartësitë me zgjedhjet”

28 Prill 2021, 18:59, Politikë CNA

Kryeministri i Kosovës Albin Kurti, ka uruar kryeministrin Edi Rama për fitoren e zgjedhjeve parlamentare, ku PS mori e vetme 74 mandate.

Kurti kërkon të shtohet bashkëveprimi mes Shqipërisë dhe Kosovës në të gjithë sektorët, si dhe të afrohen standardet evropiane sa i përket demokracisë, ekonomisë dhe drejtësisë.

Në një status në rrjetet sociale, ai thekson se institucionet në Shqipëri duhet të sqarojnë çdo paqartësi në lidhje me procesin zgjedhor që askujt të mos i preket e drejta e votes.

?Sipas rezultateve paraprake të shpallura nga KQZ në Republikën e Shqipërisë, Partia Socialiste dhe kryeministri Edi Rama ka fituar zgjedhjet parlamentare. Kosova nuk mundet pa Shqipërinë e Shqipëria nuk mundet pa Kosovën, prandaj e përgëzoj kryeministrin e Shqipërisë Edi Ramën për rezultatet, dhe uroj që së bashku, si shqiptarë, të shtojmë bashkëveprimin mes nesh në të gjithë sektorët, si dhe t’i afrojmë standardet evropiane sa i përket demokracisë, zhvillimit ekonomik, drejtësisë e mirëqenies.

Njëkohësisht uroj që institucionet në Shqipëri të sqarojnë çdo paqartësi në lidhje me procesin zgjedhor që askujt të mos i preket e drejta e votës, mbi të cilën themelohet demokracia përfaqësuese.

Këto janë pritshmëritë e shqiptarëve, andaj, të punojmë së bashku?, shkruan kryeministri i Kosovës./ CNA.al





Lajmet e fundit nga