web counter
LEXO PA REKLAMA!

SHKARKO APP

App Store
Google Play

“Çmenduritë” e Metës/ PS nis procedurat për shkarkimin e presidentit, të martë mblidhen në seancë plenare

28 Prill 2021, 18:59, Politikë CNA

Veprimet antikushtetuese të Ilir Metës gjatë fushatës elektorale, por edhe më herët, ka bërë që mazhoranca ta marrë seriozisht këtë herë shkarkimin e tij nga Presidenca.

Sinjalet u dhanë paraditen e sotme nga sekretari i përgjithshëm i PS Taulant Balla, i cili u shpreh se do përgatisin letrat për të nxjerrë Metën në pension.

CNA.al kontaktoi komponentë të PS, të cilët theksuan se do të nisin procedurat javën e ardhshme, ndërsa janë njoftuar që ditën e martë do të mblidhen në një seancë plenare në oraën 10:00.

Deri tani nuk është njoftuar se seanca do të ketë lidhje me procedurat e shkarkimit të Metës, pasi ende nuk janë njohur me rendin e ditës, por pritet të shihet nëse largimi i Metës nga Presidenca do të jetë temë diskutimi.

Kujtojmë që PS ngriti më parë Komisionin Hetimor për shkarkimin e Metës, të cilin e çoi deri në kalendat greke, por përplasjet e fundit mes tyre duket se nuk do të sjellin më manovra./CNA.al





Lajmet e fundit nga