web counter
LEXO PA REKLAMA!

SHKARKO APP

App Store
Google Play

Për herë të parë në zgjedhje/ Kandidati i Nismës në Korçë falenderon mbështetësit

27 Prill 2021, 18:05, Politikë CNA

Kandidati i Nismës Thurje  në qarkun e Korçës Klajdi Pllaha ka falenderuar të gjithë ata që e mbështetën me votë në zgjedhjet e 25 prillit.

Në një postim në rrjetin social Facebook, ai shkruan se ndryshimi për të ardhem e vendit së pari fillon nga vetja e më pas duhet të shtrihet tek i gjithë komuniteti.

Pallaha e vendosi theksin edhe tek cënimi i lirisë së zgjedhjeve, për të cilat tha se janë në rrezik për aq kohë sa edheë punësimet varen nga partia.

?Sot dua të falenderoj të gjithë ata që besuan tek unë dhe tek kandidatët e tjerë të Nisma Thurje Korçe! Dikush do thotë janë pak, por ata pak janë shumë për mua sepse janë vota zemre! Janë vota të dhëna me shpresën për ndryshim, jo me frikën për të humbur punën apo të kapur pas një premtimi pune!

Dikush do thotë nuk ndryshoi asgjë, atëhere kujtoni se ndryshimi fillon nga vetja, pastaj vazhdon në familje e komunitet. Mbase sot ishim pak, por ishim në rrugën e Drejtë! Sot të gjithë ju keni bërë një hap përpara të guximshëm drejt demokracisë! Nesër do të jemi më shumë, e do jemi zë për qytetarët në këshillat bashkiakë të çdo qyteti.

Dua të falenderoj nga zemra gjithë kandidatët e tjerë dhe stafin e fushatës sonë modeste, që u angazhuan në një sfidë ku kundërshtari kishte çdo mjet të mundshëm ndërsa ne kishim idealizmin tonë! Ky vend ka shumë nevojë për idealizmin, parimet dhe vizionin tuaj për një vend më të mirë!

E nëse doni të dini mendimin tim për këto zgjedhje dua t’ju them se nuk mund të ketë zgjidhje të lira e të ndershme për sa kohë partia dhe shteti unifikohen. Për sa kohë administrata publike dhe punësimet varen nga partia, dhe ata që janë pjesë e saj nuk kanë lirinë të shprehin vullnetin e tyre sepse rrezikojnë të ardhurat e tyre, nuk do të ketë demokraci në Shqipëri!

Edhe njëherë faleminderit nga zemra?, shkruan Pllaha./CNA.al





Lajmet e fundit nga