web counter
LEXO PA REKLAMA!

SHKARKO APP

App Store
Google Play

E fundit!

x

Fakte/ Salianji gënjen publikisht: PD ka fituar, kemi rikuperuar votat

27 Prill 2021, 16:06, Politikë CNA

Kandidati i Partisë Demokratike në qarkun e Korçës Ervin Salianji ka dalë dhe ka thënë që kemi bërë rikuperime dhe kjo është një fitore e madhe e opozitës në qarkun e Korçës. Në fakt sërish gënjen publikisht.

Në vitin 2013 PD dhe aleatët kanë pasur 56 mijë vota dhe kanë marrë këtë numër votash pas tetë vitesh në pushtet. Pra në ditën e fundit të fushatës, ditën që do të rrëzuan pushtetin, pas tetë vitesh qeverisje që ishte normale të kishte një urrejtje dhe pakënaqësi ka marrë 56 mijë vota dhe në atë  kohë PBDNJ nuk ka qenë aleate me PD siç ka qenë këtë herë në Korçë.

Ndërsa sot në qarkun e Korçës, PD ka 50 mijë vota, pra 6 mijë vota më pak sesa në vitin 2013 dhe thonë është fitore.

A mund të shpallet fitorja, kur tetë vite më vonë ke gati 12% të votave më pak pasi ke bërë tetë vite opozitë? Sot duhet të ishte koha që PD në Korçë nuk duhet të kishte 50 mijë por duhet të kishte 60 apo 70 mijë vota.

Ishte dita, që pas tetë viteve qeverisje të Edi Ramës PD duhet të fitonte. Ka dalë gati 10 mijë vota pas PS e cila ishte e vetme në këto zgjedhje.

Të dyja bashkë po të dojë Ervin Salianji, PD dhe LSI sërish janë poshtë PS në qarkun e Korçës. Nuk ka asnjë justifikim për këtë humbje, nuk ka argumenta, nuk ka fakte dhe prova, humbja është si drita e diellit. PD ka 56 mijë vota në vitin 2013, në vitin 2017 ka pasur 42 mijë vota dhe në vitin 2021 ka 50 mijë vota. Pra në tetë vite opozitë, PD ka rënë një herë dhe tani po rikuperon votat që ka humbur në vitin 2017 dhe në asnjë rast nuk ka mundur të shkojë në shifrat të paktën afër PS në tetë vite në pushtet.

Salianji ka bërë një gënjeshtër publike, ndërkohë që duhet të bënte një ndjesë publike apo të kishin kurajon të jhepnin dorëheqjen. Kështu siç po sillen Ervini me shokët e tij nuk po bëjnë asnjë gjë tjetër, thjesht po i zgjasin Edi Ramës jetën në pushtet dhe po tregojnë që kryeministri në detyre nuk ka fituar mandatin e tretë por ka mbyllur mesa duket edhe fushatën për mandatin e katërt./CNA.al





Lajmet e fundit nga