Manjani “dush të ftohtë” Bashës/ “Nëse Rama fiton sërish kemi krizë lidershipi alternativ”

26 Prill 2021, 18:38, Politikë CNA

Ish-ministri i Drejtësisë Ylli Manjani, ka reaguar pas deklaratave të përfaqësve politikë apo analistëve lidhur me rezultatin e zgjedhjeve.

Manjani deklaron se nëse konfirmohet sërish Edi Rama në pushtet, duhet t?i themi pa asnjë kompleks punë të mbarë.

Ai thotë se po mori një tjetër fitore, Rama do ta ketë më të bukurën e karrierës së tij politike, ndërsa për këtë rezultat fajëson kryetarin e opozitës Lulzim Basha.

Sipas tij, shkaku i një mandati të tretë të Edi Ramës është kriza e një lidershipi alternativ.

?Po daleni o të uruar!

Të mbarojë numërimi dhe pastaj të gjejmë ç’u bë? Kush e bëri e kush nuk e bëri?

Nëse konfirmohet Edi Rama në pushtet le ti themi pa asnjë kompleks punë të mbarë!

Nëse e fiton, e meriton!

I vetëm përballë të gjithëve, me dy mandate politike konsum, me një seri skandalesh hyn në zgjedhje me pjesmarrje të lartë dhe fiton, pa dyshim që është udhëheqësi i duhur politik.

Kjo nuk e bën shtetar të mirë detyrimisht, por udhëheqës politik të zotë. Besoj se fitoren, nëse e arrin këtë radhë do ta ketë më të bukurën e karrierës së Tij politike.

Tani, ju që nxitoni të gjeni shkaqet e qëndrimit të Ramës në pushtet, u sugjeroj të mos nxitoheni sepse rezultati, kur të dalë, duhet përtypur mirë e mirë. Duhet lexuar çdo gjë me kujdes, ftohtësi dhe largpamësi. Asgjë e mirë nuk vjen nga leximi nervoz apo emocional.

Nuk janë vetëm listat, as koalicionet, as shitblerja, as dhuna shtetërore, as LSI për PD-istët dhe PD për LSI-tët. Nuk janë as vetëm votat e pavlefshme, aq më pak Celibashi. As sondazhet apo exitpollet. JO!

Janë pak nga të gjitha, por në radhë të parë jemi para një krize leadershipi alternativ. Nuk dua aspak të filloj gjykimin e askujt në krye të opozitës, por ky është problemi real që kemi në politike.

Partitë e mbyllura janë problem i madh. Nuk dua të fajsoj aspak kandidatët, por mënyrën e të bërit politikë në këtë vend.

Nesje, është shumë shpejt për analiza, por kush e bën ftohtë këtë analizë, do jetë më ti dobishëm të veten dhe për sistemin politik.

Ndaj, të presim! Të mbarojë numërimi se kush e di çkanë kutitë ende.

Pastaj duhet një vlerësim i ftohtë i gjendjes ku jemi, për të ndërtuar diçka të mirë për të ardhmen.

Kemi kohë!

Ndaj të mos nxitohemi me konkluzione të pamatura. Aq më tepër pa mbaruar numërimi.

Dhe një gjë të fundit, këtë analizë nuk do na e bëje as ODIHR, e as ambasadat e huaja. Duhet ta bëjmë vetëëëëëë!?, shkruan Manjani./ CNA.al