web counter
LEXO PA REKLAMA!

SHKARKO APP

App Store
Google Play

Denoncimi i fortë/ Boiken Abazi: “Do nxjerrim videon e komisionerit që firmos fletë votimi”

26 Prill 2021, 15:55, Politikë CNA

Kreu i Lëvizjes Vetëvendosja në Tiranë, Boiken Abazi bëri një denoncim ditën e sotme ku tha se komisionerët po bëjnë të pavlefshme votat e LVV, duke vënë edhe një X tjetër në fletën e votimit. Për News 24, ai shtoi se do të publikojnë një video ku ta vërtetojnë këtë gjë. Sipas tij, policia po keqpërdoret dhe po zbatojnë urdhërat e dhënë nga frika se I heqin nga puna.

?Është duke ndodhur, edhe në këtë qendër votimi, ata vendosin me X një kuti të dytë, aty ku është votuar për ne, për t?i shpallur votat të pavlefshme. Numri i votave të pavlefshme po rritet me shpejtësi. Në bindjen tonë kjo rritet, sepse po i nxjerrin fletëvotimet të pavlefshme. Do nxjerrim një video, ku shihet se si komisioneri vendos një X në fletën e votimit, ku ne besojmë për t?i shpallur ato të pavlefshme.

Këta po vjedhin në bashkëpunim. Qartazi një pjesë është e lidhur drejtpërdrejt me PS. Nga informacionet që kemi nga vëzhguesit tanë, shumica janë me PS, por ka edhe me PD. Polica po keqpërdoret sërish, me urdhra të jashtëligjshëm, që ata po i zbatojnë, me frikën se mos i heqin nga puna. Ka pasur momente kur policia ka ndërhyrë fizikisht edhe ndaj meje?, u shpreh Abazi./CNA.al





Lajmet e fundit nga