web counter
LEXO PA REKLAMA!

SHKARKO APP

App Store
Google Play

E fundit!

x

Votimi elektronik/ Celibashi siguron qytetarët: Kamera nuk e filmon votën tuaj

24 Prill 2021, 16:20, Politikë CNA

Kryekomisioineri Ilirjan Celibashi ka komentuar mbi votimin elektronik që do të aplikohet për herë të parë në këto zgjedhje, në Njësinë nr.10, në Tiranë.  Ai sqaroi se kanë rënë dakort me palët politike që rezultati të publikohet në orën 08:00 të ditës së hënë.

Celibashi shtoi se numërimi do të bëhet nën vëzhgimin e kamerave dhe siguroi qytetarët që kamerat janë vendosur në mënyrë që të mos filmojë votën e tyre.

?Numërimi do të kryhet nën vëzhgimin e kamerave, nëse një kamera do pësojë defekt, KQZ ka marrë masa që në gjithë territorin e Republikës së Shqipërisë të bëjë menjëherë zëvendësimin e saj. Nëse për një arsye apo tjetër nuk do të ketë mundësi zëvendësimi të kamerës, procesi do të vazhdojë në tavolinat e tjera, ku ka kamera.

Por ne kemi marrë masat që nëse do të ketë problematika me kamera, do të zëvendësohen për 1 ose 2 orë. Nuk ka asnjë lloj mundësie, sepse çdo kamerë e vënë në çdo qendër votimi, siguron ruajtjen e fshehtësisë së votimit. Janë vendosur kundër njëra-tjetrës kamera e vëzhgimit me dhomën e fshehtësisë dhe votuesi gjendet në plan përballë kameras diagonal dhe kamera nuk arrin në mënyrë absolute të regjistrojë votën. Kamera është vendosur në atë mënyrë për të vëzhguar se kush hyn e kush del në qendrën e votimit?, tha Celibashi./CNA.al





Lajmet e fundit nga