web counter
LEXO PA REKLAMA!

SHKARKO APP

App Store
Google Play

Takimet me ambasadorët/ Celibashi: Më të merakosur se ne për fatin e zgjedhjeve

24 Prill 2021, 16:11, Politikë CNA

Kreu i KQZ, Ilirjan Celibashi ka folur mbi takimet e fundit me ndërkombëtarët duke u shprehur se ata i kanë kushtuar një vëmendje të veçantë këtyre zgjedhjeve, pasi cilësia e tyre është e lidhur me procesin e integrimit të Shqipërisë në BE. Celibashi në një intervistë për News24 shprehet se ata janë më të merakosur sesa ne për fatin e zgjedhjeve.

?Prej disa kohësh, muajsh, komunitet ndërkombëtar këtu në Tiranë, por edhe në Bruksel e Uashington, kanë demonstruar një vëmendje të madhe e të shtuar për zgjedhjet në Shqipëri, pasi është e qartë se cilësia e këtyre zgjedhjeve lidhet shumë me ecurinë e proceseve integruese dhe duket sikur më të merakosur janë ndërkombëtarët për fatin e zgjedhjeve në Shqipëri, se sa ne, përfshi këtu gjithë shoqërinë.

Kjo vëmendje e shtuar e komunitet ndërkombëtar tregon interesin e tyre për Shqipërinë. Fakti është se vëmendja e tyre është serioze dhe e përligjur. Na takon ne që t?i adresojmë mirë të gjitha shqetësimet e tyre. Siguria e procesit, garancia e votës, fshehtësia e votës, siguria që kjo votë është shprehje e vullnetit të lirë e të plotë të votuesit, janë shqetësimet e tyre kryesore?, u shpreh kreu i KQZ./CNA.al





Lajmet e fundit nga