web counter
LEXO PA REKLAMA!

SHKARKO APP

App Store
Google Play

Vrasja s’ka justifikim/ Demokratët të distancohen nga Gazment Bardhi

22 Prill 2021, 11:54, Politikë CNA

Ekzekutimi i Pjerin Xhuvanit, dje, tronditi jo vetëm Elbasanin, por mbarë opinionin publik.

Jo vetëm se një ngjarje e tillë e rëndë ndodhi në prag të zgjedhjeve të 25 Prillit, por edhe me përfshirjen e kandidatit për deputet të PD në Qarkun e Elbasanit, Gazment Bardhi.

Ky i fundit, i cili kishte formuar grupe me ish policë të armatosur, dje përdhosi një xhenaze dhe jo një dosido por, një Xhuvan autokton në Elbasan.

Qytetarët dhe demokratët jo vetëm të Elbasanit, por në të gjithë vendin duhet të distancohen nga Gazment Bardhi dhe krimi i tij elektoral.

Bardhi po shëtit me grupe të armatosura, gjë që e pohoi vetë, paçka se ai i identifikon si ish-policë.

Dhe me pafytyrësinë më të madhe, pasi përgjaku Elbasanin del dhe justifikon krimin.

Një vrasje, një marrje jete nuk ka justifikim. Nuk është autori vetëm Arbër Paplekaj, por autor është ai që i organizoi këto grupe ish-policësh të armatosur dhe i nxori në rrugë për të luftuar me argumentin se po blihen vota.

Ndaj qytetarët dhe demokratët duhet të vënë me shpatulla pas murit Gazment Bardhin, të largohen prej tij,  në mënyrë të tillë që nesër të mos kemi më viktima dhe mos të dëgjojmë më të tilla skandale.

Vota nuk merret me armë dhe luftë, por me program, punë dhe civilizim./CNA.al





Lajmet e fundit nga