E fundit!

14:54 Politikë

"Nuk mjafton produkti formal, por përmbajtja"/ Debat Boçi-Mazniku për afatin e Reformës Territoriale

Këtë të mërkurë po mbahet seanca e radhës e Komisionit të ...

Afera e incineratorëve/ Meta akuza Ëngjëll Agaçit dhe ish sekretarit të tij

22 Prill 2021, 09:14, Politikë CNA

Presidenti Ilir Meta, gjatë një konference për media është ndalur tek çështja e incineratorëve.

Ai ka hedhur akuza ndaj zyrtari të Qeverisë Ëngjëll Agaçi, Lefter Kokës dhe Klodian Zotos.

? I ka SPAK-u?, të gjitha provat, por nuk e lejon Edi Ram të veprojë, se është mbrapa Ëngjëll Agaçi?, është shprehur Meta.

Pas Lefter Kokës, në këtë aferë i dyti është Alqi Bllako?, ka vijuar më tej Meta, duke shenjëstruar më tej kryeministrin Edi Rama.

Sipas të njëjtit shkak për largimin e Shkëlqim Canit në vitin 2016 nga detyra e Ministrit të Financave, janë bërë aferat me incineratorët.

Deklarata e plotë e Metës për incinetorarët

Ta dëgjojnë të shqiptarët..ta dëgjojnë edhe ndërkombëtarët. Ja ku është Ministri i Mjedisit (Lefter Koka). Ja ku janë dy kompanitë që i ka të paligjshme. Ai me mbështetjen e Ëngjëll Agaçit, sekretarit të përgjithshëm dhe të Edi Ramës i ka futur në kundërshtim me ligjin dhe ka mashtruar Qeverinë e çdo gjë dhe një nga arsyet që ka ikur Shkëlqim Cani, Ministër i Financave është se ka kundërshtuar aferat e incineratorëve.

Dy kompanitë në Elbasan dhe Fier përmes atyre kompanive që ka krijuar kY (Lefter Koka), me djalin e vet dhe me njerëzit e vet më të afërt dhe me punonjësit e vet, i çon lekët siç i marrin tek kompanitë, tek SUCRALBA, Në total SUCRALBA mbi 2 milion euro vetëm me këto lëvizje që janë të vërtetuar dhe të dokumentuara, të cilat i ka prokuroria, i ka SPAK-u këto. Por, nuk vepron se nuk e lë Edi Rama, se nuk e lë Ëngjëll Agaçi.

Ndodh që ministri ( Koka), i merr vetë në kompanitë që ka ai, sot i ka në emër të vëllait se i ka pas në emër të tij.

Ja edhe Klodian Zoto, që siç e kemi thënë me kohë është bosi i tre incineratorëve.

Kalojmë tek i madhërishmi numri 17 në Tiranë (Alqi Bllako). Ky pas Lefter Kokës mban përgjegjësi të drejtpërdrejtë për të gjithë aferën dhe korrupsionin e tmerrshëm të inceneratorëve./CNA.al