web counter
LEXO PA REKLAMA!

SHKARKO APP

App Store
Google Play

Shpërndarja e materialeve zgjedhore/ Zëdhënësja e KQZ: Procesi mori hovin përfundimtar

22 Prill 2021, 08:43, Politikë CNA

Zëdhënësja e KQZ, Drilona Hoxha ka bërë me dije se tashmë procesi zgjedhor ka marrë hovin përfundimtar dhe është gati për ditën e dielë.

Ajo theksoi se shumica e fazave të përgatitjes janë përmbyllur ndërsa shton se janë marrë të gjitha masat që gjithçka të shkojë sipas parashikimeve.

Hoxha thotë se për 8 qarqe shpërndarja e materialeve po ndodh sot, kurse nesër vijohet për 4 qarqet Tiranë, Durrës, Elbasan dhe Lezhë.

?Me mbërritjen e fletëve ky proces mori dhe hovin përfundimtar. E para ka qenë dhomat e fshehtësisë për personat, po ashtu dhe materialet anti-Covid, KQZ, KZAZ, dhe posterat informues si duhet të sillemi. Faza e dytë kanë qenë kamerat, vëzhguesit, u shparndanë në çdo KZAZ. Tani është dhe baza materiale zgjedhore, kutitë e votimit për pjesën më të madhe të qarqeve, Korça, Vlora, Dibra, Gjirokastra, Fieri, Berati. Ditën e nesërme shpërndahet dhe për qarqet e tjera Tiranë, Durrës, Elbasan dhe Lezhë. Janë marrë të gjitha masat që të kryhet në kohë rekord, dhe çdo gjë të shkojë sipas parashikimeve të Kodit Zgjedhor.??– tha zëdhënësja e KQZ, Drilona Hoxha./CNA.al





Lajmet e fundit nga