E fundit!

12:05 Aktualitet

Protestat/ Balla: Dritan Goxhaj punon për regjimin iranian

Kreu i grupit parlamentar të PS-së Taulant Balla, në një d...

PD, postera politikë në hapësirat publike në Shkodër/ PS thirrje Ademit: Janë të paligjshme!

22 Prill 2021, 11:20, Politikë CNA

Partia Socialiste Dega Shkodër ka denoncuar disa subjekte politike për afishimin e posterave dhe materialeve informuese zgjedhore në hapësira publike.

PS i ka bërë thirrje kryetares së Bashkisë së qytetit, Voltana Ademit të përmbushë detyrimet ligjore dhe të urdhërojë policinë t?i largojë ato, pasi një gjë e tillë është e paligjshme.

?Partia Socialiste dega Shkodër denoncon shkeljet që po bëhen nga subjekte politike të caktuara, për afishimin e posterave dhe materialeve informuese zgjedhore në hapësirat publike. Neni 3, pika 2 e Udhëzimit Nr 6 Dt 23.03.2021 të Komisionit Qendror të Zgjedhjeve i përcakton vendet ku ndalohet afishimi i materialeve elektorale duke ja lënë për kompetencë si për caktimin e vendeve të lejueshme, ashtu dhe zbatimin e këtij udhëzimi, kryetarit të bashkisë brenda territorit të vet.

Ngrejme shqetësimin për shkeljen e këtij udhëzimi të Komisionit Qendror të Zgjedhjeve, nga Partia Demokratike dhe kandidatë të veçantë të saj të cilët po cënojnë hapësirat publike, duke shkelur kështu edhe nje standart të vendosur me konsensus nga subjektet politike gjatë reformës zgjedhore.
I bëjmë thirrje kryetares së Bashkisë Shkodër, Zonjës Voltana Ademi të përmbushë detyrimin ligjor që ky udhëzim i jep dhe të urdhërojë policinë bashkiake që të largojnë posterat elektorale nga vendet e ndaluara.

Për një herë të vetme Zonja Ademi të tregojë që është e paanshme kur bëhet fjalë për zbatimin e ligjit dhe Kodit Zgjedhor, duke i dhënë kështu mundësinë të gjitha subjekteve të ndjehen të barabartë në këtë garë elektorale. Më e rëndësishmja të respektojë hapësirat publike të qytetarëve të saj dhe mos lërë vend për abuzime por dhe shëmtim të këtyre hapësirave, sikurse ndodhi në kohën kur ajo kandidoi për kreun e bashkisë dhe që vetë qytetarët shprehën indinjatë për flamujt dhe posterat e pafund në qytet.
Ne që në krye të herës me nisjen e fushatës zgjedhore, jemi treguar korrektë në respektimin e ligjit por dhe hapësirave publike, ndaj kërkojmë që në përmbyllje të kësaj fushate, ky standart të mos cënohet dhe vetë fushata të mos bëhet pis për banalitete pa vlerë?, thuhet në deklaratën e PS./CNA.al