“Fushatë e errësirës”/ Paloka: Personazhe që blejnë votën janë të mbrojtur nga policia

22 Prill 2021, 14:44, Politikë CNA

Kandidati për deputet në Durrës i Partisë Demokratike, Edi Paloka ka folur rreth ngjarjes së ndodhur ditën e djeshme në qytetin e Elbasanit ku mbeti i vrarë Pjerin Xhuvani ku tha se ngjarja është e qartë dhe shkaktarë kanë qënë grupet e Taulant Ballës të cilat sipas tij janë të mbrojtura nga policia.

?Mendoj që është e qartë ngjarja, grupe të caktuara të rilindjes të organizuara nga Taulant Balla, personazhe të njohur të botës së krimit qarkullojnë me para për të blerë vota dhe në disa raste të mbrojtur nga policia. Kjo është ajo që ndodhi në Elbasan. Jemi përballë disa krimeve në ngjarjen konkrete, të organizuara nga grupe që lëvizin me armë dhe blejnë vota.

Kjo u evidentua nga demokratë dhe u kërkua të bllokohej ky krim. Partia Demokratike ka bllokuar një krim në zhvillim siç është blerja e votës, u përpoqën ta ndalin dhe nga ana tjetër pati një incident që e dini. Përkrahësit e Taulant Ballës qëlluan dhe më pas ndodhi ajo që ju e dini?, u shpreh Paloka.

Ndër të tjera i ftuar në Fax News foli për fushatën në qytetin e Durrësit duke e cilësuar si fushatë e dritës dhe errësirës. Situatën e Elbasanit Paola e quan serioze duke thënë se policia ka qenë e pranishme dhe duhet të verifikojë dokumentet.

?Unë e kam thënë dhe ditët e tjera dhe fushata në Durrës ka dy pamje dhe është fushata e dritës dhe e errësirës. Një situatë seriozë është sepse tani që ndoqa pamjet dhe nëse policia ata njerëz që janë në makinë, policia që është e pranishme aty duhet të hapë derën dhe ti verifikojë me dokumentet. Kjo ndodh sepse policia është në djeni dhe e dinë që po të hapin derën në prani të qytetarëve do të zbulohen lekë dhe para.

Nuk mund të jetë e paligjshme që të denoncojnë qytetarët. Struktura e mbrojtjes së votës funksionon në të gjitha qytetet e Shqipërisë. Janë qytetarë që do ta mbrojnë votën me çdo mënyrë. Në atë rast në Maqellarë është njëjtë si në Elbasan që nuk u lejua të kontrollohej makina sepse kanë frikë dhe e dinë madje që ka para të pista për blerjen e votës?, u shpreh Edi Paloka.