web counter
LEXO PA REKLAMA!

SHKARKO APP

App Store
Google Play

Video-Plagosja në degën e PD Kavajë/ Jonuzi priti Bashën në lokalin e tij në fushatë

20 Prill 2021, 07:43, Politikë CNA

Pas plagosjes së Bledi Oshtunit në degën e PD në Kavajë ditën e djeshme, policia ka shpallur në kërkim Ndriçim Tahiri (Jonuzi).

Në një video të shpërndarë prej tij, ai shprehet me tone të forta kundër Lulzim Bashës, i cili i ka mohuar kontributin e tij në favor të PD.

Sipas Jonuzit, ai vjen nga një familje e persekutuar, me babain e dënuar me vdekje për bombën në ish ambasadën sovjetike të përkthyer në vite burgu politik.

Teksa ndjehet i fyer për shkak se Lulzim Basha e ka cilësuar socialist, ai i kërkon kreut të PD që të pyesë ish krerët e kësaj partie në Kavajë, që nga Engjëll Cara e deri tek Halit Shamata ish ministër i Brendshëm, për kontributin e tij në këtë parti. Gjatë fushatës për zgjedhjet vendore në vitin 2015 ka qënë vetë Lulzim Basha në lokalin e tij Jonuzit, ?Kebab Hallall?, ku duket në dalje vetë Ndriçim Jonuzi.

Nga ana tjetër Ndriçim Jonuzi, si një person problematik në Kavajë, është është arretsuar për llogari të Interpol Roma, më 2014 i dënuar me 8 vjet burg për vrasje nga pakujdesia dhe e ka kryer dënimin në Shqipëri.

Ndërkohë që ditën e djeshme në fillim Lulzim Basha dhe më pas Ilir Meta e cilësuan Jonuzin një eksponent të PS./CNA.al

 





Lajmet e fundit nga