web counter
LEXO PA REKLAMA!

SHKARKO APP

App Store
Google Play

E fundit!

x

Covid19/ Studimet mbi popullatat e vaksinuara konfirmojnë mbrojtjen e premtuar

20 Prill 2021, 18:16, Lifestyle CNA

Nga Dr.Blerta Brati, mjeke mikrobiologe prane ISHP

Studimet mbi popullatat e vaksinuara gjerësisht në Izrael dhe Mbretërinë e Bashkuar konfirmojnë mbrojtjen e premtuar nga vaksina të ndryshme “in vivo”.

Një javë pasi ka marrë dozën e dytë të vaksinës, një person ka dhjetë herë më pak të ngjarë të infektohet pa e ditur dhe të transmetoje potencialisht virusin.

Sipas studimeve te fundit, tre deri në katër javë pas dozës së parë, frekuenca e infeksioneve asimptomatike (njerëz pozitivë me RT PCR, por pa simptoma të sëmundjes) zvogëlohet me 52% në krahasim me popullatën e kontrollit, pa ndryshime të dukshme si: mosha, seksi, bashkë sëmundjet, etj.

Kjo ulje e numrit të infeksioneve ngjitet në 90% që në shtatë ditë pas dozës së dytë. Kjo do të thotë, sips studimit , që brenda një jave nga marrja e dozës së dytë të vaksinës, një person ka dhjetë herë më pak të ngjarë të infektohet pa dijeni dhe të transmetojë potencialisht virusin.

Sipas të njëjtit studim, dy deri në tre javë pas dozës së parë të vaksinës Pfizer-BioNTech, mbrojtja ndaj infeksionit simptomatik (sëmundje me simptoma) është 57%. Kjo mbrojtje arrin 74% nëse përqendrohemi në rrezikun e shtrimit në spital. Një javë pas injeksionit të dytë, mbrojtja arrin shkallën e shkëlqyeshme prej 92%, pavarësisht nëse ka simptoma ose është në spital. Rezultati kryesor i studimit është demonstrimi i një reduktimi drastik të vdekshmërisë: ai zvogëlohet me 72% dy ose tre javë pas dozës së parë dhe, një javë pas dozës së dytë, nuk janë regjistruar vdekje.

 





Lajmet e fundit nga