web counter
LEXO PA REKLAMA!

SHKARKO APP

App Store
Google Play

Bajrami dhe Pashkët/ Rakacolli thirrje qytetarëve: Zbatoni masat anti-Covid gjatë festave

19 Prill 2021, 09:09, Lifestyle CNA

Mira Rakacolli, zëvendësministre e Shëndetësisë ka folur rreth situatës së pandemisë në vendin tonë duke u shprehur se qytetarët duhet të respektojnë masat edhe gjatë festave, siç janë Pashkët dhe Bajrami.

Më tej, në një intervistë për A2 Rakacolli shtoi se nuk është akoma koha për tu gëzuar si dhe u bëri thirrje qytetarëve të zbatojnë masat që vera të jetë më e lehtësuar.

?Shifrat kanë ardhur në rënie, si infektimet e reja, po ashtu edhe shtrimet në spital. Ky është një rezultat i masave të marra, por edhe të bashkëpunimit të një pjese të popullsisë. Megjithatë, duhet pasur parasysh që ende nuk ka ardhur rezultati i atyre grumbullimeve që kanë thyer masat. Po ashtu, ka pasur ndikim edhe procesi i vaksinimit.

 Asnjëherë nuk duhet të jemi të kënaqur me këto rezultate. Të mos harrojmë që po afrojnë festa e Pashkëve dhe pak më vonë edhe Bajrami. Festa e Pashkëve, e cila është në ditët e para të majit, shoqërohet gjithmonë me lëvizje njerëzish nga vendet fqinje, të cilat kanë filluar të kenë numra të lartë.

 Duhet të kemi kujdes që të jemi të vëmendshëm në zbatimit të masave. Nuk është akoma koha të gëzohemi. Duke zbatuar masat mund të kemi një verë të lehtësuar?, u shpreh Rakacolli./CNA.al





Lajmet e fundit nga