“Bashkëpunëtorët e Ramës janë shpërndarë si skifterë”/ Igli Cara ngre shqetësimin për shit-blerjen e votave

20 Prill 2021, 18:56, Politikë CNA

Kandidati për deputet i PD-së në qytetin e Durrësit Igli Cara ka folur për zgjedhjet e 25 Prillit ku u tha se ka pasur tentative për shit-blerjen e votës. Në një intervistë për CNA.al ai shprehi shqetësimin për emrat problematik në listat e kandidatëve që sipas tij do të thotë se ka blerje vote. Kandidati theksoi se qytetarët janë të vendosur të tregojnë pushtetin e tyre se duan një qeveri që tju shërbejë.

?Tentativa ka, por ortekun qytetar kundër qeverisë hajdute të Ramës nuk ka gjë që e ndal. Ambasadorja amerikane Yuri Kim tha se në listat e kandidatëve kishte ende emra shqetësues, dhe ne të gjithë e dimë se cilët janë ata dhe se kujt kampi politik i përkasin.

Kjo do të thotë se tentativa për blerje vote ka. Në Durrës, administrata dhe bashkëpunëtorët e Ramës në vjedhje janë shpërndarë si skifterët, veçanërisht në zonat e varfëra periferike të qytetit, për të blerë vota dhe manipuluar zgjedhjet. Jam i sigurt se nuk do t?ia dalin dot. Qytetarët janë të vendosur të tregojnë pushtetin e tyre, të vendosur për të dëshmuar se ne të gjithë duam një qeveri që të na shërbejë, se duam të jetojmë këtu dhe duam të jetojmë më mire?, u shpreh Cara.

Sipas kandidatit, është turp që kryeministri Edi Rama merret me opozitën dhe nuk merret me tetë vitet e qeverisjes së tij. Gjithashtu Cara theksoi se Rama ka dashur ti frikësojë qytetarët duke thënë se pas tij nuk do të ketë vaksina kundër Covid dhe rindërtim nga tërmeti. Ai shtoi se fushata e PD-së ka në thelb mbështetjen e qytetarëve për të punuar për përmirësimin e jetës së tyre.

?Rama nuk merret me tetë vitet e qeverisjes së tij, por merret me opozitën, me PD dhe me liderët politikë të saj. Është e turpshme për atë dhe fyese për qytetarët. Madje, ka edhe pafytyrësinë t?i frikësojë qytetarët, duke thënë se pas tij nuk do ketë as vaksina kundër COVID-19 dhe as rindërtim për dëmet e tërmetit. Ne e dimë mirë se vendet mike vaksinat i japin për popullin shqiptar dhe jo për Ramën. Në fakt, BE dhe SHBA mezi presin ndryshimin, mezi presin qeverinë e PD, që ndihma e tyre të jetë edhe më domethënëse.

Është mungesa e bilancit dhe llogaridhënies nga ana e qeverisë së Ramës dhe mungesa e një platforme qeverisë të PS që e kanë bërë të pazakontë klimën e kësaj fushate elektorale. Rama nuk ka bërë asnjë punë të mirë, vetëm sa ka vjedhur, prandaj edhe nuk bën bilanc dhe nuk jep llogari. PD, ndërkohë, ka qytetarët në qendër të vëmendjes. Fushata elektorale e PD ka në thelb besimin e ndërsjellë dhe mbështetjen e qytetarëve për të punuar për përmirësimin e jetës së tyre?– u shpreh Cara./CNA.al