web counter
LEXO PA REKLAMA!

SHKARKO APP

App Store
Google Play

E fundit!

x

Tjetër “bëmë” e Lord Bendtner, gjykata kërkon t’i sekuestrojë një Porsche prej 270 mijë eurosh

19 Prill 2021, 18:46, Sport CNA

Talent në fushën e lojës, por problematik jashtë saj. Kështu mund të përshkruhet Niklas Bendtner, të cilit tifozët i vunë nofkën Lord gjatë viteve të qëndrimit te Arsenali. Sulmuesi danez është bërë i njohur për prapësitë e tij dhe jetën e çrregullt jashtë katërkëndorit të gjelbër dhe duket se së fundmi bëmave të tij i është shtuar një tjetër.

Tashmë sulmuesi rrezikon të shohë t?i sekuestrohet makina Porsche Taycan Turbo S, pasi akuzohet për shtatë shkelje të rregullave të drejtimit të makinës.

Bendtner do të dalë para gjykatës në Kopenhagë në fund të këtij muaji, për t?u përgjigjur për akuzat se 5 herë është ndalur nga policia teksa drejtonte pa pasur një patentë të vlefshme, ndërsa në dy raste të tjera ka tejkaluar limitet e shpejtësisë. Të gjitha këto shkelje janë regjistruar nga qershori 2020, deri në shkurtin 2021.

Për të ndaluar një seri që të mos zgjatet, gjykata ka kërkuar që të sekuestrohet vetura e tij super elektrike që ka një vlerë prej 270 mijë eurosh, ndërsa do të shoqërohet edhe me një gjobë të majmë nëse konfirmohet dënimi për danezin.





Lajmet e fundit nga