web counter
LEXO PA REKLAMA!

SHKARKO APP

App Store
Google Play

E fundit!

x

FIFA kundër Superligës së Europës, qartëson statusin e klubeve të futbollit

19 Prill 2021, 10:44, Sport CNA

FIFA ka reaguar nëpërmjet një njoftimi për mediet se vijon të qëndrojë e mendimit kundër për Superligën e Europës. Top-klubet e Europës kanë vendosur të krijojnë një ligë të vetën që nis në gusht, me organizamt e futbollit që janë kundër, duke vendosur edhe sanksione nëse diçka e tillë ndodh. Kështu, FIFA bën me dije se është për një shpërndarje të drejtë financiare dhe solidaritet global me çdo federatë.

?Duke pasur parasysh kërkesat e mëdha të mediave, FIFA dëshiron të sqarojë se mbetet në favor të futbollit solidar dhe mbështet një model të drejtë të rishpërndarjes së burimeve që mund të ndihmojë futbollin të zhvillohet si sport global.

Zhvillimi i futbollit global është misioni kryesor i FIFA-s. Në vizionin tonë dhe në përputhje me statutet tona, çdo kompeticion futbolli, qoftë kombëtar, rajonal apo global, duhet të pasqyrojë gjithmonë parimet e solidaritetit, gjithëpërfshirjes, integritetit dhe shpërndarjes së drejtë financiare.

FIFA shpreh mosmiratimin për një model kampionati evropian të mbyllur jashtë strukturave të futbollit dhe duke mosrespektuar parimet e përmendura më lart. FIFA do të jetë gjithmonë në favor të unitetit të futbollit.

U kërkojmë të gjithë palëve të përfshira në diskutime të tillë që të anojnë drejt një dialogu të qetë, konstruktiv dhe të qetë për hir të lojës së futbollit, solidaritetit dhe fair-play. FIFA do të bëjë gjithçka që është e nevojshme për të kontribuar në interesin më të mirë të futbollit?, thuhet në deklaratën e FIFA-s.





Lajmet e fundit nga