E fundit!

21:26 Politikë

Balla reagon ndaj Athinës: Narta është tokë shqiptare, autoktone

Kryetari i Grupit Parlamentar të Partisë Socialiste dhe Dr...

Petrit Vasili nuk mban më/ “Rama vegël qorre në duart e Serbisë”

19 Prill 2021, 10:20, Politikë CNA

Nënkryetari i Lëvizjes Socialiste për Integrim, Petrit Vasili, është shprehur me tone të ashpra dhe akuza të forta ndaj kryeministrit Edi Rama.

Vasili ka thënë se, Rama I duhet vetëm Serbisë dhe asnjë shqiptari dhe se ka mbetur një veglë qorre antishqiptare në duart e Serbisë.

Ai është i sigurt se, pas 25 prillit Shqipëria do të ketë një rezultat madhështor në referendumin mbarëpopullor kundër kryeministrit Edi Rama.

Deklarata e plotë

Edi Rama i duhet vetëm Serbisë dhe asnjë shqiptari! Edi Rama ka qenë dhe mbetet një vegël qorre antishqiptare në duart e Serbisë.

Faktet kanë qenë dhe janë të qarta dhe s’ka asnjë surprizë në deklaratat plot dashuri të Vuçiçit për Ramën.

Vendosja e traut në rrugën e Kombit ishte një veprim i egër antiKosovë dhe antishqiptar.

Deklarimet filoserbe tradhëtare të Ramës për një president të përbashkët Kosovë- Shqipëri kishin vetëm një qëllim për zhvlerësimin e Kosovës dhe dëmtimin e saj në planin ndërkombëtar dhe për të amplifikuar rolin e Serbisë.

Gjyqi i Edi Ramës ndaj Ramush Haradinajt ishte një veprim shumë i rëndë prej tradhëtari antiKosove .

Mbështetja nga Rama me çdo mjet e ndryshimit të kufijve dhe shitja e Kosovës ishte tradhëtia më e rëndë, që shqiptarët kanë parë ndonjë herë.

Loja e fëlliqur me të ashtuquajturin Minishengenin ballkanik kundër Kryeministrit Albin Kurti në atë kohë dhe Kosovës është një tradhëti tjetër e ideuar dhe sponsorizuar nga Beogradi përmes veglës Rama.

Hapja e çështjes së Raportit të Dik Martit në Tiranë ishte një tradhëti tjetër dhe atentat i poshtër i Ramës ndaj luftës dhe luftetarëve të UÇK.

Sot dëgjojmë nga Vuçiç, i cili është shndërruar de facto në një anëtar të shtabit elektoral të Ramës, që të thotë kundër Lulzim Bashës se prapa tij qenka Sali Berisha, duke përsëritur në mënyrë të trashë atë që Rama dhe gojëtaret e tij thonë perditë.

Edi Rama i ka futur pa fund thika pas shpine Kosovës për ta relativizuar, përçmuar, zbehur dhe ulur atë dhe nga ana tjetër të promovojë me çdo çmim e me cdo mjet lartësimin e Serbisë në dëm të Kosovës.

Vuçic i shndërruar në një Kryepatronazhist të thekur të Edi Ramës flet edhe për sondazhe, por mendoj se ky është i vetmi moment, që na lejohet tëqeshim pse jo edhe të gajasemi.

Vuçiç kur flet për sondazhet ngjan me violinistin e Titanikut, që po mbytej e po shkonte në fund të oqeanit ndërsa ai i binte violinës.

Pas 25 prillit Shqipëria do të ketë një rezultat madhështor në referendumin mbarëpopullor kundër antishqiptarit Edi Rama.

Shqipëria pas 25 prillit do të ketë një qeverisje patriotësh dhe atdhetarësh, që nuk falin gramin për Shqipërinë dhe Kosovën.

Pas 25 prillit edhe Vuçiç do të ketë një të mirë, se do të ketë Edi Ramën pa punë dhe mund ta bëjë pa frikë Kryeminister të Serbisë sepse me proserb se Rama nuk ka ku gjen bile dhe as Ana Brnabiç nuk e arrin dot./ CNA.al