E fundit!

11:27 Aktualitet

Ç’punë kanë çunat e Albinit në protestat e Shqipërisë?

Në protestat e zhvilluara gjatë këtyre ditëve në Tiranë ja...

Koalicion me PD-në?/ Melisa Braci: S’jemi kundër partisë “nënë”, refuzojmë Bashën

16 Prill 2021, 18:57, Politikë CNA

Kandidatja për deputete, Melisa Braci, e ka cilësuar Lëvizjen për Ndryshim si alternativën dhe zgjedhjen më të mirë për të ardhmen e Shqipërisë.

Braci tha për CNA.al se shqiptarët janë të lodhur nga majtizmi dhe programet utopike të politikanëve të inkriminuar.

?Lëvizja për Ndryshim? është alternativa dhe zgjedhja më e mirë si për të tashmen, ashtu dhe për të ardhmen e Shqipërisë. Si një parti e themeluar nga të rinj të mirëshkolluar e të pakorruptuar brenda e jashtë vendit, me në krye një lidere që ka një identitet politik të pastër e me integritet, besoj që jemi oferta më e mirë në tregun tonë politik të baltosur nga korrupsioni, kryetarokracia dhe krimi. Kjo ofertë është serioze, e djathtë dhe e prekshme. Shqiptarët janë të lodhur nga majtizmi dhe programet utopike. Sidomos kur këto proklamohen nga politikanë të stërprovuar e të inkriminuar, bëhen dhe më të lodhshme për qytetarët. Prandaj, ne jemi oferta e ndryshimit. Sepse jemi ndryshe nga ata, si në ide , si në program, si në qasje, ashtu dhe në integritetin personal?, u shpreh ajo.

Në një prononcim për CNA.al, kandidatja për deputete la të hapur mundësinë e bashkëpunimit të Lëvizjes për Ndryshim me Partinë Demokratike.

Ajo deklaroi se shumica prej anëtarëve të LN-së i kanë rrënjët nga PD dhe s?mund të refuzojnë koalicionin me partinë ?nënë”, por nënvizoi se ata po refuzojnë Republikën e Re të Lulzim Bashës.

?Nuk mund të grupoj të gjitha partitë kryesore në një qëndrim. Çdo parti kryesore do e përjashtoja pa asnjë rezervë, përveç PD-së. Shumica prej nesh i kanë rrënjët politike nga Partia Demokratike dhe ne s? mund e s? jemi kurrë kundra koalicionit me partinë ?nënë?. Ama, ka një dallim mes Partisë Demokratike dhe Republikës së Re që ka uzurpuar atë Parti. Pa ikur ? Republika e Re? nga lidershipi i PD-së shanset për koalicion mes nesh janë po aq zero sa me partitë e tjera. 3 liderët aktualë të këtyre partive ose sekteve partiake s? meritojnë më besimin as provën. E kanë treguar që janë bashkë për korrupsion, për marrëveshje të fshehta dhe për interesa personalë, kurrë për interesin kombëtar. Basha, Rama, Meta (Kryemadhi) s? meritojnë besimin e askujt?, theksoi Braci./ CNA.al