web counter
LEXO PA REKLAMA!

SHKARKO APP

App Store
Google Play

Filozofi i Monës tallet me qytetarët e Korçës/ Padi, paçavure dhe letra boshe në SPAK

16 Prill 2021, 16:45, Politikë CNA

Bëmat e Endrit Braimllarit në këtë fushatë, nuk kanë të ndaluar.

Është e drejta e tij të bëjë politikë, të provokojë, të bëjë padi, por jo të tallet me qytetarët e Korçës. Së fundmi ai doli dhe trumbetoi në media se ka bërë padi në SPAK ndaj Ministrit të Mbrojtjes, Niko Peleshit disa prej drejtorëve të tij.

Të ndjekësh një çështje në rrugë ligjore për një të drejtë, është hapi minimal që mund të bëjë një qytetar, një politikan, por Endrit Braimllari, është tallur me njerëzit.
Padia që ai ka bërë ndaj Peleshit dhe të tjerëve është qesharake, me pak fjalë është një paçavure.

Mund të çosh në SPAK, Niko Peleshin, drejtorë apo këdo zyrtar tjetër, por duhet të kopsitësh dokumentacionin dhe jo me një kallëzim formal, sa për t?u hedhur hi sy njerëzve se çfarë po bëj, apo për t?iu thënë se unë nisa një betejë me Niko Peleshin.

I gjithë qëndrimi që ka Endrit Braimllari në fushatën e tij është një qasje kundër tij, duke thënë se socialistët kanë ikur tek LSI edhe pse ai nuk ka kapacitet politik të tërheqë të pakënaqurit e PS.

Socialistët e pakënaqur kanë të drejtë të bëjnë lëvizje, ndërsa Braimllari merr e çon Niko Peleshin në SPAK bashkë me drejtorët dhe për më tepër pa asnjë provë.

Reagimi i tij dhe konferencën e mbajtur në Korçë ishin banale. Kjo për shkak të gjuhës së përdorur nga ai. Ishte gjuhë fyese dhe rrugeçërish dhe nga ana tjetër për ta larë këtë ai zgjodhi të shkonte në SPAK.

Duke parë se çfarë ka ndodhur, Braimllari ka shkuar në SPAK dhe është tallur me një letër, me një paçavure, të cilën po e sjellim më poshtë.

Nga ana tjetër Braimllari është i kallëzuar në Prokurori, për shpifje dhe fyerje, nga tre palët që ai çoi në SPAK me një letër paçavure.

Po sjellim një nga paditë kundër Braimllarit, i cili tallet me njerëzit. Ja, si bëhet një padi që tregon se kush e ka seriozisht për të bërë një betejë ligjore me palën tjetër politike dhe se kush po tallet.

Endrit Braimllari nuk mund të tallet me korçarët, me një paçavure, si ajo më lart për të marrë vota, pasi nesër nuk shkel më në Korçë dhe kështu ka për të ndodhur.

Këtë show, qytetarët duhet t?ia përkthejnë në vota, ta votojnë kundër, ta bojkotojnë. Sepse po tallet me ta, iu thotë se po bën padi, kallëzime me letra bosh, duke i dërguar në SPAK, vetëm për të nxitur opinionin se gjoja është trim.

Në fakt trimëria duhet të tregohet me mençuri, në këtë rast me padi serioze, që vërtet të kryqëzohet Niko Peleshi.

Ky i fundit ka një mijë gjëra për t?u kryqëzuar bashkë me stafin e tij, por Endrit Braimllari nuk po bën këtë, por po tallet me qytetarët për pikë politike.
Por, filozofi i Monës nuk mund të tallet me qytetarët e Korçës, me letra boshe dhe paçavura, pasi do të përballet me ?grushtin e fortë?, të atyre që sot tallet dhe i gënjen./CNA.al





Lajmet e fundit nga