web counter
LEXO PA REKLAMA!

SHKARKO APP

App Store
Google Play

“LSI mollë e kalbur që po prek të gjithë arkën”/ Rama: Misioni i të gjithëve, ta largojmë!

16 Prill 2021, 13:47, Politikë CNA

Kryeministri Edi Rama, ka sulmuar LSI, teksa ka vijuar takimet elektorale në Skrapar.

Rama e konsideroi LSI një “mollë të kalbur që po kalb të gjithë arkën”. Sipas Ramës, LSI është një parti që u ngrit duke marrë “copa” nga partitë e mëdha. Sipas Ramës, misioni i të gjithëve më 25 prill, është largimi i LSI-së.

“LSI u bë një forcë që vetëm rritej duke u ngjitur pas partisë më të madhe dhe duke marrë copa-copa nga trupi i partisë së madhe, e kanë provuar të dyja partitë e mëdha. Është një peshk që quhet peshku pilot, jo se është i shpejtë vetë, po ka buzë të trasha i ngjitet një anije dhe anija e çon matanë. tani PS anije për peshkun pilot të LSI nuk bëhet më. Problemi është që LSI nga një risi në politikën shqiptare, që i dha shpresë shumë socialistëve të zhgënjyer me partinë e tyre, në mollën e kalbur që kap gjithë arkën. Largimi i kësaj molle nga arka është mision i të gjithë atyre që voton më 25 prill. Kjo nuk ka lidhje me numrat, PS do fitojë, nuk diskutohet, por kjo mollë e kalbur duhet flakur jashtë nga arka, sepse i ka prekur edhe mollët e tjera”, u shpreh Rama./CNA.al





Lajmet e fundit nga