web counter
LEXO PA REKLAMA!

SHKARKO APP

App Store
Google Play

E fundit!

x

"Opozita duhet të rritet në fushatë"/ Mëhilli: Një ose dy mandate mund të ndryshojnë në momentin e fundit

16 Prill 2021, 17:34, Politikë CNA

Ish-zëdhënësja e ish-kryeministrit Sali Berisha, ka bërë një analizë të situatës politike, në kohën kur kanë mbetur vetëm pak ditë nga zgjedhjet parlamentare të 25 prillit.

Mëhilli tha se nuk beson që Partia Socialiste të vazhdojë rritjen, ndërsa pretendon se e kundërta duhet të ndodhë me opozitën.

?Ka 8 vjet në qeverisje. Nuk besoj se njerëzit presin që PS të vazhdojë rritjen sepse nuk ka një bilanc pozitiv të qeverisjes. Këtë gjë e pranon edhe Rama, thotë mandatin e dytë mos ma quani se u ndërpre për shkak të tërmetit dhe pandemisë.

Është krejt normale që opozita të rritet në fushatë. Të pavendosurit ishin një përqindje e konsiderueshme, një deri në dy mandate mund të ndryshojnë edhe në momentin e fundit?, u shpreh ajo në Euronews Albania.

Ish-zëdhënësja e Berishës u ndal edhe te qarku i Durrësit, ku kandidon kryeministri Edi Rama përballë Edi Palokës së PD.

“Durrësi është një qark ku PD ka pasur rezultat të mirë politik, po flas për zgjedhjet e përgjithshme. Nëqoftëse nuk do kishte rritje në Durrës PD, nuk do e kishte te mundur kurre të konkuronte për mazhorance, pra per 71 mandate. PS duket se po tenton të ruajë fort mandatin e shtatë në Durrës”, theksoi Mëhilli./ CNA.al





Lajmet e fundit nga