web counter
LEXO PA REKLAMA!

SHKARKO APP

App Store
Google Play

E fundit!

x

“Fushatat kanë financime të dyshimta”/ Paralajmëron Serreqi: Atyre që blejnë vota po i vjen fundi

15 Prill 2021, 18:58, Politikë CNA

Bashkëthemelueësi i Lëvizjes për Ndryshim dhe kandidati për deputet në qarkun e Elbasanit, Evald Serreqi, ka ngritur shqetësime për mënyrët se si partitë e vjetra po bëjnë fushatë elektorale.

Serreqi tha për CNA.al se edhe në këtë fushatë ka vënë re financime të dyshimta që përkthehen në zyra, banera, si dhe shpenzime operative pafund në të gjithë vendin.

?Problemi primar që prodhon sistemi politik në Shqipëri i kuruar nga 3 partitë e vjetra (PS, PD e LSI), mund të dallohet qartë gjatë këtyre ditëve të fushatës. Financimet e dyshimta, që përkthehen në zyra, banera, shpenzime operative pafund në të gjithë vendin, si dhe renditja në mënyrë jodemokratike si dhe preferenciale nga Kryetarët apo klanet e ngushta të interesit personal e familjar rreth tyre e listës së deputetëve, e pamundësojnë mandatimin e përfaqësuesve të vërtetë të interesit publik në parlament. Thënë ndryshe, do ishte më e zgjuar të mos shpenzonim fonde nga buxheti i shtetit për 140 deputetë, por thjesht mund të paguanim vetëm 3 krerët e atyre partive. Pikërisht për të ndërhyrë në këtë sistem tashmë të kalbur politik ne kemi krijuar Lëvizjen për Ndryshim duke zgjedhur me koshiencë rrugën më të veshtirë të të bërit politikë. Kam besim që sfida jonë do të kuptohet masivisht tek shqipëtarët e thjeshtë e do të mëbshtetet gjerësisht me votë!?, u shpreh ai, ndërsa është ndalur edhe te grumbullimet masive pa respektuar masat kundër Covid-19.

Kandidati për deputet kërkoi që të gjithë forcat politike të tregohen shumë të kujdesshme në organizimet e tyre.

?Duke pasur parasysh gjendjen e vështirë të shkaktuar nga pandemia e Covid-19 gjykoj që të gjithë forcat politike duhet të tregohen shumë të kujdesshme në organizimet e tyre. Forcat elektorale të secilës prej tyre do ishte mirë të tregoheshin me votë në datën 25 prill e jo me grumbullime të pakontrolluara masive për efekt mediatik?, theksoi ai gjatë një prononcimi për CNA.al.

Bashkëthemeluesi i LN-së ka paralajmëruar ata që tentojnë të blejnë vota, duke thënë se kohës së tyre po i vjen fundi.

?Fushata jonë po shkon shumë mirë. Në qarkun e Elbasanit, por besoj edhe në të gjithë Shqipërinë ndjehet dukshëm një rritje e mungesës së besimit ndaj tre partive të vjetra (PS, PD e LSI). Në gjykimin tim ka një rritje si asnjëherë e atij që quhet elektorati gri. Është detyra jonë e Lëvizjes për Ndryshim t?i bindë e motivojë këta njerëz që abstenimi ndihmon veç partitë e vjetra të cilat në finale merren shumë mirë vesh me njëra tjetrën. Votuesit duhet ta kuptojnë që ndryshimi është më afër se kurrë ndonjëherë në këto zgjedhje parlamentare. Mjafton të marrin pjesë masivisht në votime e të na japin mundësinë të pensionojmë njëhërë e mirë klasën e vjetër e të korruptuar politike në vend, që janë edhe të vetmit përfitues direkt i tejzgjatjes së tranzicionit në Shqipëri. Për rastet e shitblerjes së votave ju kujtoj si blerësve (përfituesve direkt të tranzicionit të tejzgjatur) ashtu edhe atyre që shesin dinjitetin e një populli të tërë, se kohës së tyre po i vjen fundi! Drejtësia do të vendoset një ditë në këtë vend! Shqipëtarët do të dinë të zgjedhin qartazi midis krimit/korrupsionit e ndryshimt!?, nënvizoi Serreqi./ CNA.al

?Jemi faktori i ndryshimit?/ Evald Serreqi: Do pensionojmë lidershipin e politikës së vjetër





Lajmet e fundit nga