web counter
LEXO PA REKLAMA!

SHKARKO APP

App Store
Google Play

Ftesa e Ramës për Bashën/ Shella: Taktikë jo e zgjuar, e pa-konsultuar me socialistët

15 Prill 2021, 17:40, Politikë CNA

Drejtuesi i Qendrës për Çështje të Informimit Publik, Gerti Shella, e cilëson ?taktikë jo të zgjuar? ftesën për bashkëpunim të bërë së fundmi nga Edi Rama për Lulzim Bashën.

Në një intervistë për Euronews Albania, Shella tha se kjo qasje shkon kundër interesave të qytetarëve dhe vetë anëtarëve të Partisë Socialiste. Ai tha se qytetarët shqiptarë kërkojnë që liderët politikë të konkurrojnë me idetë e tyre me njëri-tjetrin, që alternativat të jenë përballë dhe ?jo të fiksojnë një deal (marrëveshje)?.

Teksa analizoi kontekstin e zhvillimeve politike përpara zgjedhjeve, Shella kujtoi se bashkëpunimi i kërkuar tani në fushatën zgjedhore, nuk u arrit për ndryshimet e Kodit Zgjedhor dhe Kushtetutës.

Shella vuri në diskutim sinqeritetin e ?ftesës? duke theksuar se nga ajo ?të surprizuarit dhe tradhtuarit e parë do të duhet të ishin vetë anëtarët e PS-së?, të cilët ?nuk rezulton të jenë konsultuar?.

?Është vetëm kryeministri që ka folur për këtë ftesë dhe në dijeninë time nuk është se PS ka mbajtur ndonjë forum ku të jetë diskutuar ftesa për konkurrentin kryesor në këto zgjedhje, z.Lulzim Basha,? ? tha Shella.

Të mërkurën Kryeministri Edi Rama tha në një intervistë televizive se nëse ai do t?i fitojë zgjedhjet do të jetë i hapur për të bashkëpunuar me kryetarin e Partisë Demokratike Lulzim Basha. Ai e përsëriti këtë qasje edhe sot teksa shtoi se ?ftesa? bëhet me ?kushtin? që Basha ?të shkëputet nga ndikimi i Sali Berishës dhe Ilir Metës?./euronews





Lajmet e fundit nga