web counter
LEXO PA REKLAMA!

SHKARKO APP

App Store
Google Play

E fundit!

x

Arjan Çani paralajmëron/ “Rama ka një plan pervers, nuk largohet”

15 Prill 2021, 08:06, Politikë CNA

Shqipëria është në prag të zgjedhjeve parlamentare. 10 ditëshi i fundit i fushatës ka nisur i qetë pa tone të larta, duke ngritur kështu dyshime se po përgatitet terreni për një bashkëqeverisje, Rama-Basha.

Por, sipas gazetarit Arian Çani, bashkëqeverisja nuk varet nga palët edhe po imagjinojmë sikur ky është një vend normal, ku bëhen zgjedhje normale pa futje duarsh nëpër vota apo shantazhe, kërcënime, blerje votash, karta ID, pa vjedhje të dhënash personale.

?Le të imagjinojmë që zgjedhjet janë një ditë feste, kur njerëzit shkojnë dhe hedhin votën dhe ajo shkon atje ku ata duan. Në një situatë të tillë hipotetike gjithçka do të varej nga shifrat, nëse asnjë nga palët nuk do të kapte 50+1 sigurisht bashkëqeverisja është e mundshme.

Nëse ky rezultat do të ndodhte vërtetë që asnjë nga palët të mos kapë numrin e duhur për të bërë shumicën në parlament, bashkëqeverisja është e mundshme, unë e besoj. Një bashkëqeverisje Rama- Basha më shumë se sa Rama-Meta, gjithçka është e hapur?, është shprehur Çani në MCN TV.

Sipas të njëjtit, nëse një nga partitë kap 67 apo 65 deputetë gjëja e parë që do të mendojë është ta bëjnë qeverinë me kundërshtarin dhe të futemi në një epokë tjetër që siç e quajti Rama do të ishte qeveri e uniteti kombëtar.

?La të kuptohet që ishte i hapur, por kjo varet nga shifrat. Unë nuk i besoj shumë këtij skenari, sepse besoj që më 25 prill nuk do të ketë zgjedhje të ndershme. Zgjedhjet do të jenë të manipuluara atje ku duhet me pikatore, jo gjithandej nëpër Shqipëri dhe kështu do të kemi një parti fituese?, ka thënë më tej Çani.

Pyetjes nëse Rama ka ambicie për President, sipas nje teze që po qarkullon kohët e fundit, Çani është përgjigjur,se, ?Rama synon një mandate të tretë dhe të katërt dhe jo Presidencën?.

?Këto janë zëra kot që kam përshtypjen i hap vetë Rama sepse sipas meje se ka ambicie presidencën. Ai synon mandate të tretë dhe të katërt. Le të kujtojmë që Rama është 56 vjeç, një moshë e re në politikë dhe ka një ambicie më të madhe se në 2013-ën për të vazhduar në pushtet.

Pushteti është një thes i madh me para që ambiciozët duan ta kenë gjithmonë dhe duan ta shtojnë. Në këto kushte këto llafet janë për ti hedhur hi syve budallenjve.

Rama me siguri ka një plan tjetër pervers të një niveli shumë të lartë që nëse fiton një mandat të tretë ai do të bëjë gjithçka që të ndryshojë Kushtetutën, të cilën nuk e di sa do ta arrij dhe të bëjë atë që bëri Putini, të zgjasë jetën vetes derisa të jetë gjallë?, është shprehur Çani./CNA.al





Lajmet e fundit nga