“Më vjen të çirrem si e marrë”/ Najada Selmani e tmerruar nga skamja dhe mjerimi në Ballsh

15 Prill 2021, 06:23, Politikë CNA

Bashkëthemeluesja e Lëvizjes për Ndryshim, Najada Selmani, ka vizituat Ballshin ku ka dëgjuar nga afër shqetësimet e qytetarëve.

Selmani thotë se në Ballsh, varfëria është ulur këmbëkryq dhe gjendja është mjaft e vështirë.

Ajo shprehet se Lëvizja për ndryshim do i sjellë shpresë këtij vendi. Më tej Selamni thekson se Lëvizja për Ndryshim ka në Mallakastër skuadrën më të moralshme për të sjellë ndryshimin, për të risjellë vlerat!

?Lëvizja për Ndryshim është alternativa!
Në Ballsh, varfëria është ulur këmbëkryq! Pluhuri i rrugëve të bëra fërtele, në prag votimesh, të mbyt baraz me skamjen! Të rinjtë rrallëherë t?i zë syri! Janë në Greqi punojnë me viza tremujore! Drejtorët dhe drejtoreshat e pushtetit i kanë vënë administratën në rresht për fushatë! Frika për vendin e punës i ka bërë njerëzit pa autoritet! Kryetari i bashkisë thua se është inekzistent! Deputeti i zonës mandatin e ka në xhep, se partia e ka listuar fitues! Markata e tregtarëve është bosh! Hyn dhe sytë të zënë tezgat e zbrazura si të jetë dite zije!

– Nuk i kemi femijët këtu, kanë ikur, – qahen dy prej të vetmeve gra që tregtojnë në markatë!
Bashkia nuk u përmbahet kushteve të nënshkruara me tregtarët, për t?i lejuar të shesin pranë markatës, dhe kështu fshatarët shesin në rrugë dhe standarti i mallit bie përtokë! Bizneset janë të pashprese, çdo sipërmarrje është në prag dështimi! Naftëtarët kanë marrë lopatat dhe çdo ditë herët në mëngjes dalin në sheshin para qytetit dhe kërkojnë punë! Shpresa e vetme është braktisja e vendit dhe emigrimi jashtë shtetit!

Më vjen të çirrem si e marrë – Jo! Kurrë mos u dorëzoni! Dashtë zoti gjithçka do të ndryshojë! Rafinerinë do ta vemë në punë! Biznesit do t?i japim frymë! Fshatrave do t?u mundësojmë infrastrukturën, do t?u thjeshtojmë punët e krahut! Arsimtarëve do t?u kthejmë dinjitetin! Pensionistëve do t?u rrisim pensionet, duke i ndarë sipas statusit përkatës! Administratës do i japim meritokracinë! Nuk do të drithërohen para votës nga frika për vendin e punës! Ju lutem mos u dorëzoni! Shpresa ka ende! Bashkë do t?i bëjmë të gjitha! Lëvizja për Ndryshim ka në Mallakastër skuadrën më të moralshme për të sjellë ndryshimin, për të risjellë vlerat!?, shkruan Selmani.