web counter
LEXO PA REKLAMA!

SHKARKO APP

App Store
Google Play

Protesta për hidrocentralin / Policia arreston 4 persona, procedohen në gjendje të lirë 30 të tjerë

12 Prill 2021, 07:09, Aktualitet CNA

Banorët e fshatit Thirre në njësinë administrative të Fanit të Mirditës protestuan kundër ndërtimit të hidrocentralit në zonën e tyre.

Në lidhje me këtë protestë të zhvilluar ditën e djeshme, policia ka vënë nën pranga organizatorin e protestës dhe tre shtetas kosovar, po ashtu janë proceduar në gjendje të lirë 30 shtetas të tjerë.

?Në lidhje me protestën e zhvilluar ditën e djeshme, rreth orës 12:30, në fshatin Thirrë, Njësia Administrative Fan, Mirditë, specialistët për Hetimin e Krimeve në Komisariatet e Policisë Lezhë dhe Mirditë, në përfundim të veprimeve, kanë arrestuar në flagrancë shtetasit:
B. P., 48 vjeç, banues në Lezhë, organizatori i protestës së paligjshme; E. B., 22 vjeç, E. B., 21 vjeç dhe Ç. G.,22 vjeç, banues në Kosovë.

Gjithashtu, janë proceduar penalisht në gjendje të lirë 30 shtetas të tjerë.
Këta shtetas, në bashkëpunim me njëri-tjetrin, kanë protestuar në mënyrë të paligjshme në afërsi të tunelit të Kalimashit, në fshatin Thirrë, Mirditë, duke bllokuar lëvizjen e mjeteve në aksin Milot-Morinë, si dhe kanë kundërshtuar me dhunë punonjësit e Policisë, duke mos iu bindur urdhrit të tyre për të zhbllokuar qarkullimin e automjeteve.

Materialet në ngarkim të tyre do t?i kalojnë Prokurorisë së Rrethit Gjyqësor Lezhë, për veprime të mëtejshme, për veprat penale ?Organizimi dhe pjesëmarrja në grumbullime dhe manifestime të paligjshme?, ?Pengimi i qarkullimit të mjeteve të transportit? dhe ?Mosbindja ndaj urdhrit të punonjësit të Policisë së rendit publik?, njofton policia./CNA.al





Lajmet e fundit nga