web counter
LEXO PA REKLAMA!

SHKARKO APP

App Store
Google Play

Rezultati i sondazhit të CNA.al/ "Kë do të zgjidhnit kryeministër në rast se votimi do të ishte nesër"

11 Prill 2021, 10:13, Aktualitet CNA

Dy javë na ndajnë nga zgjedhjet e 25 Prillit, ndërkohë që Partitë Politike po vijojnë fushatën qytet më qytet.

CNA.al  zhvilloi ditën e djeshme një sondazh në rrjetet sociale, facebook ku ka vënë përballë kreun e Partisë Socialiste Edi Ramën dhe kreun e partisë Demokratike Lulzim Bashën shoqëruar me pyetjen se kë do të zgjidhnit kryeministër në rast se votimi do të ishte nesër.

Ky sondazh u zhvillua online për dy orë, gjithashtu u shpërnda në 97 grupe të ndryshme politike në një fashë orari ku trafiku është i lartë dhe u pa nga 100 mijë profile.

Pjesëmarrja e qytetarëve ka qenë e shumtë duke e çuar numrin në 30 mijë persona, numri i votuesëve ishte 1600 persona dhe numri i komentuesëve në 3400 persona.

Në 1600 votues vetëm 779 prej tyre kanë zgjedhur opsionet e vlefshme për të votuar krerët e partive.

Kryeministri Edi Rama ka marrë 419 vota dhe Kreu i Partisë Demokratike Lulzim Basha ka marrë 360 vota.

Në përfundim të sondazhit me 59 vota më shumë me diferencë prej 8% kryeministri në detyrë ka dalë më i pëlqyer se kryedemokrati.

Ne nuk pretendojmë se përpunojmë të dhëna sondazhesh por këto janë rezultatet që prodhoi sondazhi ynë në rrjetet sociale nga qytetarë që ndoqën live pyetjen tonë dhe reaguan.

Sot në mbrëmje pritet një tjetër sondazh nga CNA.al për partitë kryesore politike në garë./ CNA.al

 

 

 





Lajmet e fundit nga