E fundit!

09:36 Kosova & Bota

Shërbimi Gjeologjik i SHBA-së: Tërmeti që goditi Venezuelën ishte më i madhi në më shumë se një shekull

Tërmeti i së mërkurës ishte më i madhi që ka goditur Vene...

Kandidate për deputete në listat Bindjes Demokratike/ Rrëfehet Denata Toçe: Nuk kemi si qëllim numra mandatesh

12 Prill 2021, 18:12, Politikë CNA

Kandidatja e Bindjes Demokratike në qarkun e Korçës, Denata Toçe, ka rrëfyer se përse zgjodhi të kandidojë për deputete nën logon e kësaj partie.

Në një prononcim për CNA.al, Toçe tha se vendosi të bëhej pjesë e BD-së pasi është një parti e hapur ndaj ideve dhe mendimeve kosntruktive, zhvilluese dhe novatore, ndërsa theksoi se vetë ajo është produkt i listave të hapura.

?Nëse ligji nuk do të detyronte të isha pjesë e një partie për të qenë deputete, dhe sistemi të ikurajonte deputeti e pavarur, atëherë shumë shpejt do të zgjidhja këtë të fundit. Pra me apo pa Bindjen, do të isha pjesë e kësaj nisme politike në jetën time. Por jam e kënaqur me zgjedhjen e bërë sepse unë jam produkt i listave të hapura në një parti tërësisht demokratike. E hapur ndaj ideve dhe mendimeve kosntruktive, zhvilluese dhe novatore. Me shumë guxim, u fut në një garë të ndershme përballë një partie të madhe në zgjedhjet e 2019-ës, për t?i dhënë një mësim demokracisë shqiptarë se ndryshimi dhe zhvillimi ndodh në garë dhe jo jashtë saj. Sot modeli shërbeu që shumë prej partive të reja të jenë në garë dhe partitë e mëdha t?i marrin seriozisht në konsideratë, pasi janë alternative reale për qytetarët në këto zgjedhje?, u shpreh ajo.

Kandidatja tha se Bindja Demokratike synon mandate në çdo qark të vendit dhe për këtë thekson se numrat nuk janë qëllimi, por risia e përfaqësimit në Parlament, si një forcë që synon përcaktimin në vendimarrje, qoftë kjo edhe qeveribërëse.

Gjithashtu Toçe ka treguar për CNA.al planet për angazhimin e saj politik në Korçë, teksa kërkon që t?i rikthejë atyre besimin e humbur nga politika.

?Filozofia ime në jetë është të mos bëj asnjëherë premtime që nuk i mbaj dot, sidomos me ata që i dua. Korçarët i kam shumë për zemër për t?i bërë premtime pazaresh dhe t?u tërheq hundën me karrot sikurse jemi mësuar ta shikojmë të ndodh gjithë këto vite nga politikanet tanë. Askush prej tyre nuk mendoj se ka prekur varfërinë këtij populli dhe nuk e kanë parë nga afër, deri ditën që u kërkojnë votën. Në ato ditë, jepen duart dhe shkrepen fotot fshat pas fshati dhe qytet pas qyteti, sikur vërtet të ishin pranë halleve dhe vështirësive që njerëzit kanë. Pas zgjedhjeve, thuajse asnjë politikan nuk duket më, dhe varfëria vazhdon po njësoj. Vetëm se qytetarët korçarë nuk e kanë shumë me qejf hilenë në përgjithësi, dhe kur kjo vjen nga politika, dëshpërimi dhe zhgënjimi është edhe më i madh. Kështu një pjesë e madhe e tyre, kanë humbur besimin. Unë kërkoj t?u zgjoj këtë besim.

Qasja ime i sjell premtime realiste. Janë premtime që nuk synojnë as qiellin dhe as të sjellë yjet në tokë. Unë premtoj atë që di të bëj më së miri: Ngulmimin e ndërtimit të një shteti social, ku edhe më i pamunduri e ka një mundësi për të jetuar. Ka shumë prej qytetarëve që janë të varfër, por krenar në punën dhe në jetën e tyre, dhe unë dua t?u kthej dinjitetin, për të mos qënë pjesë e një dëshpërimi për mbijetesë. Të mos jenë pjesë e dëshpërimit pa zgjidhje të fatkeqsive të tyre shëndetësore, si fizike ashtu edhe mendore, dhe të tjera të ngjashme. Për të mos qënë pjesë e papunësisë duke varur shpresat e tyre vetëm nga ngjyrat partiake, por të jenë pjesë e një strategjie kombëtare për punësimin?, vijoi ajo më tej, ndërsa rrëfen për CNA.al se dëshiron të hapë një zyrë në Korçë, për të dëgjuar hallet e qytetarëve dhe për të qenë sa më pranë tyre.

?Në gjithë këto vite profesionale, kam treguar integritet në detyrat që kam kryer me veten dhe me të tjerët. Kam punuar fort dhe ndjehem mirë nën lëkurën time për arritjet e realizuara. Por nuk ndjehem mirë në vendin tim nëse vazhdojnë forcat e mëdha të politikës të bëjnë rotacion mes tyre duke me vjedhur dhe dhunuar çdo ditë. Duke me shtypur ditë pas dite krenarinë për të qënë shqiptare. Duke me treguar se unë jam pronë e një politike të shkuar keq. Për këtë dhe shumë arsye të tjera, partitë e mëdha nuk mund të jenë më zgjidhja. Koha e tyre ka skaduar, jo vetëm prej kohës që ka kaluar, por prej një ideologjie të shtrembër që nuk frymëzon më askënd.

Madje, këto kohë ka filluar t?i ngjasojë më shumë frymës totalitare. E thënë kështu, duket se po bëjmë hapa mbrapa. Premtimi im i radhës, lidhet me synimin e marrjes së zërit të qytetarëve korçarë në çdo cep të qarkut, duke e çuar atë me vendosshmëri në Parlament. Synoj të jem deputete e pupullit dhe jo e partisë. Dua të ndjek modelet që më frymëzuar prej vitesh, ato demokratike dhe evropiane, sikurse gjënden në vëndet më të zhvilluara të europës qëndrore siç është Franca. Ndoshta do të jem e para deputete që angazhohem publikisht për të hapur zyrën e deputetit në Korçë me shpenzimet e po këtij mandati, ku do të ketë një vazhdimësi gjatë gjithë periudhës së mandatit, e një staf që do të mbledhë të gjithë problemet e banorëve.

Çdo javë do të ketë takim me banorët, me deputetin e tyre, pa qenë e nevojshme të shkëputet deputeti i Parlamentit nga deputeti i popullit. Unë jam edukuar dhe zhvilluar për të ofruar mbështetje në profesionin tim, dhe këtë do të vazhdoj ta kryej edhe në detyrën time të re. Për mua të dëgjoj qytetarët mbi vështirësitë që kanë dhe t?i ofrojë mbështetje realiste, është realizimi i një misioni personal: të jem sa më pranë njerëzve në nevojë?, nënvizoi Denata Toçe./ CNA.al