web counter
LEXO PA REKLAMA!

SHKARKO APP

App Store
Google Play

“Boll u talle me gjyshërit!”/ Dasho ‘masakron’ Ramën: Për shkak të paaftësisë tënde vdiqën 9,200 shqiptarë

12 Prill 2021, 17:10, Politikë CNA

Eksperti i Shëndetit Publik, Erion Dasho, ka bërë një reagim të fortë në rrjetet sociale, ku akuzon kryeministrin Edi Rama, se po tallet me shqiptarët.

Duke iu referuar një studimi të fundit për efektshmrinë e vaksinës kineze, Dasho shkruan se në kohën kur vdekshmëria nga COVID ka rënë në 6-7 persona në ditë, i bie që Borati dhe boratët të “shpëtojnë” 0.39 persona në muaj!!!

Pra as një ?gjysmë? personi në muaj, ndaj duhet të lë mburrjen dhe të sigurojë vaksina të certifikuara ngaa EMA dhe FDA.

‘Sot Borati në takim me të moshuarit e Gramshit vazhdoi serinë e mashtrimeve. Mashtrimi i preferuar mbetet ai i “shpëtimit të jetës nëpërmjet vaksinave kineze”.

Le të bëjmë llogaritë. Duke administruar 200,000 mijë vaksina kineze me 1 dozë dhe me aftësi mbrojtëse 3% pas dozës së parë (sipas studimit të fundit kilian), në kohën kur vdekshmëria nga COVID ka rënë në 6-7 persona në ditë, i bie që Borati dhe boratët të “shpëtojnë” 0.39 persona në muaj!!!

Borat! Mjaft u talle me gjyshërit dhe shqiptarët. Pasi për shkak të paaftësisë tënde dhe të boratëve të tu vdiqën 9,200 shqiptarë, ti nuk mund të mburresh sot se po shpëton 0.39 jetë, pra as edhe një gjysmë jete në muaj!

Në se do që realisht të kujdesesh për gjyshërit, bijtë dhe nipërit e tyre, siguro vaksina të certifikuara nga EMA dhe FDA, vaksina që ofrojnë mbrojtje 95% dhe jo 3%!

Dhe boll mashtrove, Borat, se po bëhesh çdo ditë e më shumë qesharak!‘/CNA.al

 

 





Lajmet e fundit nga