web counter
LEXO PA REKLAMA!

SHKARKO APP

App Store
Google Play

E fundit!

x

Ngjela zbërthen mesazhin e SHBA për skandalin në Rinas/ Deklarata për Bashën dhe përfshirja e Metës

9 Prill 2021, 20:25, Politikë CNA

Shqipëria dhe Forcat e Armatosura po përgatiten për të mikpritur ?Defender Europe 21?, një nga stërvitjet më të mëdha të ushtrisë amerikane në Evropë.

Për pjesërmarrjen e Shqipërisë në stërvitjen ushtarake të NATO-s që fillon në 26 prill, ka reaguar edhe avokati Spartak Ngjela.

Këtë ngjarje ai e ka lidhur me situatën kaotike në Rinas dhe me akuzat e ngritura dje nga prokurorja e Tiranës Elisabeta Imeraj për kryetarin e opozitës Lulzim Basha, të cilin e quajti kriminel me dosje në Prokurori.

Avokati përmend faktin se Imeraj është mbrojtur hapur nga politika amerikane dhe deklaratën e saj e lexon si mesazh të politikës amerikane.

Sipas tij, ekspertiza amerikane po thotë se aeroporti i Rinasit është sulmuar nga njerëzit e Ilir Metës dhe nga persona të tjerë që janë kundër stërvitjes ushtarake të NATO-s në Ballkan.

?Shqipëria merr pjesë në stërvitjen ushtarake të NATO-s, Defender 21, në Ballkan. Ajo fillon në 26 prill të këtij viti.

Në të njëjtën kohë…

Prokurorja e Tiranës Elisabeta Imeraj,  duke goditur hapur Lulzim Bashën, tregoi dje se akuza kundër korrupsionit të lartë shtetëror në Shqipëri është drejt aktivizimit të saj. Sepse përgjigja që ajo i dha Lulzim Bashës,  kur i shkroi që: “mua nuk më trembin dot kriminelët si Lulzim Basha që ka dosje në Prokurorinë e Tiranës”, duhet të ketë trembur shumë sot në Tiranë, e kudo nëpër Shqipëri .

Por çfarë po ndodh realisht në këto momente historike, të cilat janë shumë të rëndësishmet për Shqipërinë?

1. Rusinë e ka shqetësuar shumë stërvitja ushtarake në Ballkan, që fillon në 26 prill të këtij viti; dhe, që është me një theks të veçantë ushtarak, sidomos në Shqipëri.

Është pikërisht kjo arsyeja që pardje u sulmua aeroporti i Rinasit. Rusët, bashkë me kaqolët e këtushëm të politikës së lartë shqiptare, duke bllokuar aeroportin e Tiranës, menduan të ndalonin ardhjen e trupave amerikane në Shqipëri.

E patë si përfunduan? Hahahaha

2. Në lidhje me këtë, NATO sot vendosi që kulla e Aeroportit të Rinasit të kontrollohet nga ekspertë kontrollorë ajërorë amerikanë. Këta vijnë këto ditë në Tiranë.

3. Amerikanët, kullën do ta mbajnë në vrojtim krejt amerikan deri në fund të korrikut të këtij viti, njëlloj si përgjatë vitit 1997.

4. Prokurorja e Tiranës Elisabeta Imeraj i thotë sot Lulzim Bashës kriminel me dosje në Prokurorinë e Tiranës, në një kohë kur po mbërrijnë trupat amerikane në Shqipëri.

Por, edhe prokurorja e Tiranës Elisabeta Imeraj është mbrojtur hapur nga politika amerikane.

5. Ekspertiza amerikane po thotë se Aeroporti i Rinasit është sulmuar nga njerëzit e Ilir Metës dhe nga persona të tjerë që janë kundër stërvitjes ushtarake të NATO-s në Ballkan.

Atëherë?

Si përgjigje analitike e të pesë pikëve të më-sipërme, mund të themi se, arrestimi i politikanëve të korruptuar, të nivelit ministror e më tej, duhet të fillojë gjatë kësaj kohe, kur forcat perëndimore në Shqipëri janë shumë të forta.

Prandaj…

Shqiptarë: Prisni të shikoni shpëtimin tuaj nga banditizmi qeveritar i korruptuar që po e drejton Shqipërinë në 30 vjet. Ai po vjen”, shkruan Ngjela në rrjetet sociale./ CNA.al





Lajmet e fundit nga