Kandidatja e Lëvizjes për Ndryshim thirrje qytetarëve/ “Largimi i tre kryetarëve është në dorën tonë”

9 Prill 2021, 18:37, Politikë CNA

Lorna Lelçaj, kandidatja e Lëvizjes për Ndryshim në qarkun e Tiranës, ka dhënë një mesazh të fortë për qytetarët në prang të zgjedhjeve të 25 prillit.

Lelçaj thotë se ne irritohemi kur presim radhën para një zyre shteti, por i harrojmë të gjitha vuajtjet kur shkojmë në zgjedhje.

Ajo deklaron se largimi i tre kryetarëve është në dorën tonë, pavarësisht se duket i vështirë, ndrëkohë që pretendon se Lëvizja për Ndryshim është mundësia më e mirë për të shpëtuar nga pasojat e degradimit.

?Mërzitemi e irritohemi kur presim në radhë përpara një zyre shtetit, kur duhet t?i japim rryshfet një nëpunësi që paguhet me taksat tona për të na shërbyer apo kur shohim në foto e video të jetës luksoze të djalit a vajzës të një politikani a zyrtari, të cilët i kemi zgjedhur të na shërbejnë.

Ata janë bërë të tillë edhe për fajin tonë sepse në zgjedhje harrojmë çfarë kanë bërë, besojmë se këtë herë nuk do të na gënjejnë përsëri apo më e bukura se Shtetet e Bashkuara, Gjermania apo Bashkimi Europian do t?i pengojnë të mos bëjmë prapësitë e radhës.

Largimi i tyre duket i vështirë, por është krejtësisht në dorën tonë. Na duhet të mos e shohim fushatën zgjedhore si kampionatin botëror të futbollit apo realityshoë. Të mos jemi tifozë të ?skuadrës së zemrës?, por arbitra për të zgjedhur atë që na duhet për katër vitet e ardhshme dhe për t?i dhënë ?kartonin e kuq? të treve që kanë abuzuar me ligjet dhe premtimet e pambajtura.

Nëse nuk e bëjmë këtë, apo më keq, votojmë me tifozllëk ata që premtojnë vende pune e favore ose 100 euro për votë, do të jemi gojëmbylluar e të dënuar t?i mbajmë në kurriz edhe shumë vite të tjera.

Lëvizja për Ndryshim është mundësia më e mirë që votuesit të shpëtojnë nga pasojat e degradimit që kanë sjellë qeverisjet e këtyre viteve sepse të majtët, të djathtët, konservatorët, progresistët, të rinjët, pensionistët, të përndjekurit politik, veteranët, profesionistët e bisnezmenët janë njëlloj të tradhëtuar dhe do të vazhdojnë të jenë të tillë nga të tre.

25 Prilli nuk është ndeshja finale e kampionatit botëror, por dita e gjykimit për katër vitet e ardhshme?, shkruan kandidatja për deputete./ CNA.al