E fundit!

21:22 Aktualitet

Tubimi i 45-të/ Protestuesit marshojnë në rrugët e Tiranës me thirrje kundër qeverisë

Protestuesit janë larguar nga Kryeministria pas përfundimi...

Kush qëndron pas Ilir Metës dhe grevës në Rinas

7 Prill 2021, 19:15, Politikë CNA

Përveç faktit që doli në media dhe të gjithë e kuptuan që ishte ai skenaristi i skandalit të AlbControl në aeroportin e Rinasit, përfshirjes së njerëzve të LSI-së apo njerëzve të opozitës apo Partisë Socialiste që punojnë në këtë institucion, një nga skenaristët kryesorë që mund të fshihet pas këtij akti kriminal, mund të jetë këshilltari i Presidentit Ilir Meta, Ilir Kulla.

Ky i fundit është përfshirë edhe në një skandal tjetër më parë të përfolur në mediat italiane se gjoja do të groposeshin në Shqipëri mbetjet toksike. Nuk është rasti i parë që ai përfshihet në të tilla histori.

Burimet zyrtare për CNA.al theksojnë se Ilir Kulla mund të jetë një nga emrat që ka ndërtuar këtë skenar. Këshilltari i Presidentit, një personazh me shumë pikëpyetje, i cili pas një deklarate në vitin 2015 të Lulzim Bashës për kompanitë telefonike që kishin fituar dhjetëra miliona euro për pak muaj, filloi të tentonte që ta zhdukte lajmin nga mediat.

Në atë kohë, nëpërmjet kunatit të Lulit, kreu i PD-së e mbylli gojën. Një dosje voluminoze për të cilën Lulzim Basha e akuzoi për pastrim parash, por shuma është mbi 11 milionë euro, ku pas saj qëndronin njerëzit e Ilir Kullës.

Këshilltari i Presidentit mësohet të jetë një nga personazhet kryesore të asaj që po ndodh në Rinas dhe CNA.al do të zbadhë të plotë në vijim shumë nga materialet që ka firmosur opozita e djeshme dhe e sotme hesht, që nga akuzat për pastrim parash apo fshehje të ardhurash, që dalin nga goja e Lulzim Bashës dhe përfundojnë te familjarët e Ilir Kullës./ CNA.al