web counter
LEXO PA REKLAMA!

SHKARKO APP

App Store
Google Play

“Është e sigurt dhe efektive”/ Pipero apel qytetarëve: Mos e kundërshtoni vaksinën kineze

6 Prill 2021, 20:31, Lifestyle CNA

Në Shqipëri prej disa ditësh ka nisur vaksinimi masiv i popullatës, ndërsa në vend po përdoren vaksina Pfizer, AstraZeneca, por edhe vaksinat ruse dhe kineze.

Opozita ka dalë kundër vaksinimit me vaksinat kineze dhe ruse, duke përhapur panik në popullatë, por mjeku Pëllumb Pipero thotë se vaksina kineze është e sigurtë dhe efektive.

Mjeku Pipero rekomandon që të gjithë qytetarët të marrin vaksinën kineze.

?Unë i qëndroj pikë për pikë të dhënave që kam. Kam deklaruar ndër të parët se certifikimi i një vaksine është i rëndësishëm, por për mua si mjek është e rëndësishme evidenca që merret nga vendet që po vaksinojnë miliona njerëz. Është e rëndësishmë që një vaksinë të jetë e regjistruar në vendet e origjinës dhe të përdoret në vendet e origjinës.

Vaksinat kineze nuk bëhet fjalë për teknologji të re, sepse është e bazuar në virus të dobësuar. Në opinionin tim është më afër stimulimit të imunitetit natyral. Për mua nuk ka vaksina të keqija. Janë të mira, më të mira dhe shumë të mira. Nëse jep efikasitet mbi 60% për mua është shumë e mirë.

Iu them qytetarëve ta bëjnë. Më vijnë dhjetëra mesazhe. Bile, ju them bëni vaksinën e parë që iu vjen si mundësi?, tha Pipero në ?Open?./CNA.al





Lajmet e fundit nga