E fundit!

07:24 Ekonomi

Monedhat e huaja në minimumin historik/ Kursi i këmbimit, 15 korrik 2026

Këtë të mërkurë një dollar amerikan blihet me 81.3 lekë dh...

Ku dallojnë vaksinat anti-Covid?/ Arben Gjata tregon dobitë dhe të metat e tyre

6 Prill 2021, 14:47, Lifestyle CNA

Infektimet ditore me Covid-19 në Shqipëri mbeten të qëndrueshme. Në harkun kohor të një jave numri i të prekurve nga coronavirus ka shënuar rënie. Edhe numri i pacientëve të shtruar në spitale është pakësuar.

Rektori i Universitetit të Mjekësisë, Arben Gjata tha për Euronews Albania thotë se kurba epidemiologjike në vend është në rënie dhe këtë e lidhi me uljen e numrit të viktimave dhe të shtrimeve të pacientëve në spital.

?Absolutisht është një tregues i qëndrueshëm i situatës epidemiologjike. Aq më tepër nëse ne shohim shtrimet në spital, ulja e fataliteteve dhe ulja e numrit të të infektuarve është një shenjë që kemi një tendencë zbritëse të kurbës epidemiologjike në vend?, tha ai.

Bazuar në këto tregues, z. Gjata është i mendimit që autoritetet duhet të rishikojnë orën policore.

?Unë besoj se anëtarët e komitetit i kanë shifrat përballë dhe ato vendime merren sipas rezultateve që marrin nga terreni dhe me rritje dhe vaksinimin masive të popullatës, ndoshta për mua, mund të ketë një ulje e orës policore deri sa të dalim nga kjo situatë?, tha rektori.

Lidhur me efektet anësore të vaksinave, Rektori i Universitetit të Mjekësisë thotë se në Shqipëri nuk është shënuar asnjë komplikacion.

Teksa citon studimet e virologëve, Gjata thekson se vaksinat kineze e ruse shkaktojnë më pak komlikacione, por kanë mbrojtje më të ulët ndaj virusit.

?Po të lexojmë materialet, sepse tek ne nuk ka ndonjë të dhënë për kombinacione që ka ndodhur si rezultat i përdorimit të vaksinave ruse ose kinze. Në një studim të fundit të dy nga virologëve më të mirë në botë, ata tregonin avantazhet dhe të metat që kishin vaksinat, ku vaksinat kineze dhe ruse janë vaksina që shkaktojnë më pak komplikacione post-operatore dhe kanë një mbrojtje më të ulët dhe përfundimi i atij artikulli ishte që pavarësisht çfarë vaksine, e rëndësishme është që qytetarët të vaksinohen?, tha Gjata.

Ai pohoi se vaksina ?Pfizer?, sipas studimeve është dëshmuar deri tani se ka mbrojtjen më të lartë ndaj Covid-19.

?Sipas studimeve që janë deri tani, qoftë vaksinat ruse, qoftë kineze shmangin 100% format e rënda të Covid-it, shtrimet në spital dhe mortalitetin (vdekjet). Mbrojtjen më të lartën nga mos-zënia e Covid-19 e ka Pfizer, pastaj pasohet nga Moderna, AstraZeneca dhe më pas vijnë vaksinat kineze dhe ruse?, tha ai./euronews