web counter
LEXO PA REKLAMA!

SHKARKO APP

App Store
Google Play

Situata nga Covid/ Pipero zbulon kur do të arrihet imuniteti i plotë

5 Prill 2021, 15:42, Lifestyle CNA

Situata pandemike në vendin tonë ka pasur ulje-ngritjet e saj sa i takon numrit të infektimeve dhe viktimave.

Në një kohë kur ka nisur vaksinimi masiv në Shqipëri, fushatat elektorale po kthehen në një rrezik serioz për jetën e qytetarëve, pasi grumbullimet e shumta dhe moszbatimi i masave janë një shqetësim.

CNA.al kontaktoi me mjekun infeksionist Pëllumb Pipero, i cili u shpreh se deri tani imuniteti i tufës është në nivelin e 40% të popullsinsë, ndërsa shprehet optimist se deri në fund të qershorit do të arrihet imuniteti i plotë kolektiv.

Sipas mjekut, vaksinimi masiv po ecën me ritmet e duhura dhe kjo do të ndihmojë në daljen sa më parë nga situata ku jemi.

?Unë besoj se Shqipëria aktualisht duhet të jetë rreth 35-40% të cilët janë infektuar dhe kanë kaluar Covid dhe kanë fituar imunitet. Nëse edhe vaksinimi ecën me këto ritme siç është planifikuar, besoj që fundi i qershorit na gjen me imunitet kolektiv, pra atë që quhet imuniteti i tufës?, tha Pipero.

Mjeku infeksionist shtoi më tej se nëse partitë politike nuk zbatojnë protokollin që janë vendosur nga Komiteti i Ekspertëve, atëherë pritet të ketë një rritje të infektimeve në fund të muajit prill deri në mes të muajit maj, duke theksuar se nuk do të jetë në shifra alarmante.

?Në rast se fushata elektorale shoqërohet me manifestime, grumbullime dhe nuk respektohen masat parandaluese siç janë maska dhe distancimi fizik, unë besoj që do të kemi një rritje tjetër të rasteve të infektuarve, që mund të përkojë me fundin e muajit prill apo me gjysmën e muajit maj. Por sidoqoftë, unë besoj se nuk do të jetë në shifra alarmante?, u shpreh Pipero për CNA.al.

Ndërsa për sezonin e verës, mjeku tha se do të jetë një periudhë normale dhe me masa lehtësuese.

?Vera do ketë masa më lehtësuese patjetër dhe do kemi një sezon  turistik thuajse normal, aq sa mund të quhet normal në kushtet e një pandemie, por tek neve do jetë thuajse norma. Unë besoj fort?, tha Pipero./CNA.al





Lajmet e fundit nga