web counter
LEXO PA REKLAMA!

SHKARKO APP

App Store
Google Play

Zotohet Vasili/ “LSI do të heqë moratoriumin e gjuetisë”

4 Prill 2021, 16:14, Politikë CNA

Nënkryetari i LSI-së Petrit Vasili në një deklaratë për mediat ka thënë se në datë 25 Prill do të hiqet moratoriumin e gjuetisë.

Sipas tij kryeministri Edi Rama po mashtron gjuetarët se do të hapë gjuetinë sepse buxheti i shtetit po humbet miliona euro nga ky aktivitet.

?Ky moratorium I shërbeu vetëm fshehjes së mbjelljes së kanabisit dhe gjuetisë së paligjshme. Qeveria Rama po i mashtron prej vitesh gjuetarët dhe shoqatat e gjuetarëve se do të hapte gjuetinë. Por, jo as nuk e hapi, dhe nuk e hap dot, pasi gjahtarët do të bëheshin dëshmitarë dhe do tu prishnin qetësinë kultivuesve të kanabisit në male dhe në fusha e që mbrohen e mbështeten nga Edi Rama dhe Qeveria e rilindjes?, tha Vasili.

Për nënkryetarin e LSI ky është një votim pa kthim dhe Shqipërisë i duhet një ligj europian.

?Një ligj europian për Gjuetinë dhe monitorimi i zbatimit të tij kjo i duhet Shqipërisë. Duhet të ndalohen urgjentisht gjuetia e shfrenuar, natën me drita bile edhe me armë zjarri luftarake e pushtetarëve dhe e mbështetësve të tyre. Pra ne do ta heqim këtë Moratorium e do ta hapim gjuetinë dhe ky është zotim pa kthim?, u shpreh nënkryetari i LSI-së./ CNA.al





Lajmet e fundit nga