web counter
LEXO PA REKLAMA!

SHKARKO APP

App Store
Google Play

E fundit!

x

Rama kujton koalicionin me LSI/ “Funksiononin si qeliza kanceri”

4 Prill 2021, 11:56, Politikë CNA

Kryeministrit Edi Rama ndodhet ditën e sotme në qytetin e Fierit, ku ka zhvilluar një takim me qytetarët dhe ka shpalosur programin e PS për mandatin e ardhshëm, ku edhe ka thumbuar opozitën.

Shefi i qeverisë ka sjellë në rikujtesë kohën kur ka qeverisur me LSI, për të cilën tha se funksiononte si qelizë kanceri.

?Kanë futur këta Shqipërinë në NATO. Shqipërinë në NATO e kanë futur SHBA-të. Ushtria jonë ka qenë dhe do të jetë në funksion të SHBA-ve. Ky vend ka qenë dhe do të jetë një vend që shkon në luftë si vend i NATO-s. Është njësoj si të them unë sot se hapjen e negociatave e bëra unë. Po ja ta zëmë se. Po pastaj? Po të gjitha këto të tjerat, shëndetësia, arsimi. A e imagjinoni dot nëse pandemia do të vinte në kohën e tyre.

Këta nuk kishin një autoambulancë. So t ne kemi një urgjencë kombëtare që shkon në të gjithë Shqipërinë. Ju duket çudi që të fillojnë të shtyhen përsëri ambulancat me krahë? Ju duket çudi të fillojnë të shtyhen makinat e policisë përsëri? Apo të shihni policët që hanë fara në rrugë? Ju duket çudi që të fillojë përsëri rekrutimi i infermierëve që nuk dinë të bëjnë gjilpëra por vetëm të ngulin gozhda. Luli dhe PD-ja nuk janë të lirë.

Ata janë të lidhur nga Ilir dhe Monika. Për të kaluar një reformë këtej, duhet të jepnim 10 vende pune andej. Ata nuk mbajnë asnjë përgjegjësi për reformat. Ata funksionojnë si qelizat e kancerit. Rritja dhe shpeshtimet e qelizave të kancerit njihen për rritje të pakontrollueshme, që në fund bëjnë asgjesim e të gjithë trupit. Nëse do ishte për mua, ju siguroj që po të mos bindja absolute që ky është moment kyç për të ardhmen, do merresha me Zaon. Një milion e më shumë herë më e denjë sesa Luli, Iliri, Monika dhe Sali mavria. Akoma Shqipëria merret me Saliun?, tha Rama./CNA.al





Lajmet e fundit nga