web counter
LEXO PA REKLAMA!

SHKARKO APP

App Store
Google Play

Nesër mesnata e listave

7 Mars 2021, 10:39, Politikë CNA

Nesër në 8 mars, ditën ndërkombëtarë të gruas, shqiptarët do presin me ankth listat e përfaqësuesve të tyre emëruar nga kryetarët e partive që do zgjidhen formalisht nga ata me votë.

Nesër është afati i fundit ligjor për partitë politike dhe koalicionet që garojnë në zgjedhjet e 25 prillit.

Garë kjo që ka filluar ethshëm por ka vetëm një pjesë të kandidatëve të publikuar, por jo një renditje finale të listës të plotë fituese.

Demokratët kanë publike gati 50 emra, ku nuk dihen ende renditjet e zonjave por edhe aleatëve dhe disa emrat të tjerë pretendentë në zonat e dyshimta. Emrat e njohur të shpallur deri tani janë pak më shumë sesa numri i vendeve që PD fitoi në 2017.

PS nga ana e saj ka publikuar vetëm emrat kryesues dhe duket se lista ka jo pak kuriozitet, duke parë edhe prezantimet surprizë të Ramës që filloi me të rinj e shkoi deri tek një inxhiniere pensioniste shumë e respektuar si Luljeta Bozdo.

LSI nuk ka shumë surpriza, pasi lista e saj me emrat e parë tashmë është e ditur, ngelet vetëm zyrtarizimi i saj.

Risitë politike si Jozefina Topalli dhe Bindja e Patozit kanë shpallur kandidatët e tyre në qarqe dhe në shumë zona do mbështesin njëri-tjetrin.

Nisma Thurje, një tjetër fenomen politik i këtyre zgjedhjeve ka shpallur emrat e saj, ku mungon themeluesi dhe drejtuesi kryesor Besjan Pesha, por lista përfshin miq të tij dhe personazhe kryesore të ish Aleancës Kuq e Zi të Kreshnik Spahiut apo edhe Rudina Hajdarin.

Nesër në mesnatë do mësohen emrat dhe gjithçka merr fund, dhe çdo katër vite shqiptarët si pasionantë të politikës do mësojnë se kush është e kush nuk është në listë. Festë për shumë njerëz, zhgënjim për shumë të tjerë. Pak më shumë nga formacionet politike të palëve që luftojnë për pushtetin legjislativ dhe ekzekutiv në Shqipëri./CNA.al





Lajmet e fundit nga